اللهوب الحارقه

[شاكـر محمـد]

يحضر فلان من البشر والا عن العالم يغيب=متساويه متساويه من جدّ ما هي فارِقه
ان قلت له مسكين والا قلت ما يرجى لطيب=عز الله اني ما ظلمته غير فعله دارقه
واللي تمنى غيبته حتى قريبه والغريب= من شين طبعه لا حضر كلٌ يودّ يفارقه
سلام ياللي لاحضر يفرح به القلب الصويب= وان غاب كل الكون ينتَظْره ويرقب بارقه
لأجله مغيبه والحضور يبان بالكون الرحيب= ما كنّه الا الشمس حين ألغاربه والشارقه
وانا من اول كان قلبي حصن مفتاحه عصيب = حتى أنّ بابه ما تحركه الجهود الخارقه
لكنّ مَدري كيف قال وليّن القلب الصليب= فديتها ذيك الوصوف اللي لبابي طارقه
فتحت له قلبي وعلمته وقلت أبشر حبيب= فتّح بساتينه وروّى له حدائق وارقه
وطال انتظاره له وهو يتخَيّله حوله قريب= تعلق بطيفه وعذبني بحلمٍ سارقه
ما بقدر اعاتبه دام اني دفعته للنشيب= وان قلت بصبر ولعي بي ياللهوب الحارقه
عزمت ببعد لو غدى حالي من فراقه عطيب = والا لو ان الروح في حبه تظلي غارقه
اللي إلى منّه حضر يفرح به القلب الصويب= وان غاب كل الكون ينتَظْره ويرقب بارقه

[الطائر المهاجر]

كتبت فأبدعت
جزلة من راس جزل وشاعر مبدع
صح لسانك ولا هنت
تحياتي الطيبة

[عبدالله الشويمان]

صح لسااانك يا اخ شاكر

نص فاخر يا فاخر

دمت بخبر ولا هنت

[عبدالمحسن الرحمه]

سلام*ياللي*لاحضر*يفرح*به*القلـ ب*الصويـب = وان*غـاب*كـل*الـكـون*ينتَـظْـر ه*ويـرقـب*بـارقـه
لأجله*مغيبه*والحضور*يبان*بالكو ن*الرحيـب = مـا*كنّـه*الا*الشمـس*حـيـن*ألغ ـاربـه*والشـارقـه

ياسلام عليك شاعرنا بجد جبتها على الجرح
لله درك شاعرنا زدنا زادك الله من فضله

[عبدالله السويلم]

صح لسانك ياشاكر

جزله من راس جزل


ابدعت وامتعت يالغالي




تحياتي لك

[داعي الشوق]

صح لسانك شاكر

متساويه بجميع الجهات

ابدعت وامتعت يالشاعر

ولاهنت يابو محمد

[الطامي]

شاكر
صح السانك ملايين
ابدعت واجدت لافض فوك
شكرا لك

[عادل بوبدر]

نعم
جزلة ياجزل
صح لسانك ياشعر

[ساهر الليل]

ارحب يا شاكر وصح لسانك

نص رااائع وغايه في الجمال

من شاعر يجيد توظيف الحروف

ويحولها الى مشاعر تنبض بالجمال

لاهنت شاعرنا ولاهان راسك

تحياتي وتقديري

[بنت النور]

صح لسانك وعتلى شانك
ولاهان راسك
تحيتي واحترامي