فكاهيات من الشات 30/5/2012

[الطامي]

يقول منيع من باب الفكاهيات في شات الفطاحله

اهلا صباح الخير يااهل الولايات=الدار قفرى والمعزب هواوي
يطل علينا الصبح ومن عقبها سبات=وقام ايتطور بالدعاء والدعاوي
مرة باسم داعي ومرة بنفحات=والساتر الله لاتحول غناوي
ويفتح لنا قسم موسيقى وطقاقات=ولاهي بعيدة عنه كله بلاوي
الرجل رايح في سبع نومات=وانا على بالي قريب الحراوي
ياليتني شرفت وروحت بسكات=ولابلشت بكلمة ماتساوي

رديت عليه بيتين على نفس المعنى وبوحمد شاعر فذ وعلي قولة المثل ( مايعرف رطني الا رفيقي )ههههههههههههههههههه

يابو حمد مالك ومال البشوات = اسلك طريقك لاتجيب الغطاوي
خل العرب في شانها وتابع الأت = واتبع طريق المبله والشواوي

[منيع]

منصور مرحب ياكريم السجيات=القول قولك ماعليها دعاوي
انا على امرك وهذي فكاهات=تغيرجو والشقاوي شقاوي

هههههههههه

شكرا لك ولردك الرائع
تحياتي

[منيع]

الطائر المهاجر

منيع جانا رافعٍ بيض رايات=ايغازل الطامي ببيعض الحكاوي
يخاف من صاروخ ياتيه بغتات=من عين ما ترحم ولا فيه تاوي
فهمه غلط ماهوب داري بعلات= فالطامي مايردعه كود المكاوي
الجن في راسه وانا عندي اثبات=متحدره من جدته من ملاوي

[منيع]

انا مع الطامي بكل المدارات=ولاانت مثل ماقيل وارد عراوي
وعليك قريت المثاني وايات=ولاالحمق قد قيل ماله مداوي

[داعي الشوق]

صح لسانك يا منصور

و صح لسان منيع

و مافيكم حيله

ولاهنتوا

[منيع]

المشاركة الأصلية كتبت بواسطة داعي الشوق

صح لسانك يا منصور

و صح لسان منيع

و مافيكم حيله

ولاهنتوا

حياك الله ياداعي الشوق
تشرفنا بحضورك
ربي يرعاكم
تحياتي

[منيع]

الطائر المهاجر

بيضٍ تدربى فوق بعضه بميقات=حتى صبح صندوق فيه البلاوي
وارد بلوشستان خاض بمتاهات=يرطن علينا من رطين اللغاوي

[منيع]

عود بجحرك لا نحرقك بطلقات=والصقرمايشوية ياكود خاوي
نرطن وتفهمنا جميع البريات=الاانت ياتكرون مابك رجاوي

[منيع]

الطائر المهاجر

منيع انا خابرك نسل المنيعات= ليا تدحدر والبطن منك خاوي
كانك نويت الحرب مهزوم بالذات=فدور على غيري تلاقي الهقاوي

[منيع]

تضربني وتبكي وتبقى السلامات=ياشيخ ماتنفع معاك المناوي
ولاانا ماني بصياد غفلات=قدرك رفيع ولك من العطر جاوي