خذ راحتك عمري ترى الشك مرفوع

[احمد الجريفاني]

خذ راحتك عمري ترى الشك مرفوع=ماني من عتاب المحبين جزًاع
تر الغلط بين المحبين مرجوع=حنا بشر نجرح ونفرح ونلتاع
آمر تدلل ماعنك شي ممنوع =اكيد منهو في حلاياك ينطاع
والعب بقلبٍ ياهوا الروح مليوع=به من تباريح الهوى عشرة انواع
صوتك هو انفاسي على الدوم مسموع=يجري بدمي كل مادوًره ضاع
حتى خيالك با المعاليق مزروع=لو ماسقاه القلب تسقيه الاضلاع
وش قيمة الدنيا بلا ضحك ودموع=وش لذة الدنيا بلا وصل ووداع
ولا دلع خلان واقفاي ورجوع=ولا غزل بعيون حلواتٍ وساع
ولا حبيب بيوم يمسيك مفجوع=وقبل الفجر لمعانقك يسرع اسراع
وليا دنى لك شبر تقرب منه بوع=واليا غنج ودك تشيله عن القاع
الضايع اللي ما له احباب وربوع=فجره ظلام وفرحته هم واوجاع
جوع الاكل غلطان من صنًفه جوع=الجوع جوع الوصل في قلب ملتاع
والحب لعموم البشر حق مشروع=ولا به حلاة إليا وصل حد الاشباع
الحب ماهو غصب لازم يجي طوع=احساس ما يشرى ولا هو بينباع
لا قال لك ملزوم من حبة الكوع=شوري عليك انك لاوآمره تنصاع

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[حوريه]

صوتك هو انفاسي على الدوم مسموع
يــجــري بــدمــي كــــل مـــــادوًره ضـــــاع
...
وش قيـمـة الدنـيـا بــلا ضـحـك ودمــوع
وش لــــذة الـدنـيــا بــــلا وصــــل ووداع
..
الضـايـع الـلـي مــا لــه احـبـاب وربــوع
فـجــره ظــــلام وفـرحـتــه هــــم واوجــــاع

فصيده كلهاااااااااااااا رووووووووووعه
استمتعت بقرأتها مع قهوة الصباح
صح قلبك يا أحمد
وداااام نبضك وانفاسك لك تدوووم
.
.

[منيع]

ياسلام عليك وحواليك
قمة الابداع والروعة
تسلم اخي احمد
تحياتي لكم

[سناعيس]

صح لسانك وبيض الله وجهك
قصيدة رائعه من شاعر مبدع ومتألق دائما

تحياتي

[صعبة المنال]

الله الله
صح لسانك وحرفك

صعووووب

[داعي الشوق]

لا جديد ،،

سوى الابداع يتجدد

و الجمال يتناثر في حروف الكلمات

و المعنى جزل ،

أمتعتنا بهذه الجميلة مع الصباح الجميل يالجريفاني ،

صح لسااااااااانك حتى الرضى

ولاهنت يا مبدع

مع التقدير لك

*************

[عمر ال شيبي]

صوتك هو انفاسي على الدوم مسموع

يجري بدمـي كـل مـادوًره ضـاع

حتى خيالك بـا المعاليـق مـزروع

لو ماسقاه القلب تسقيـه الاضـلاع

وش قيمة الدنيا بلا ضحـك ودمـوع

[color=white][font=simplified arabic][b][i][right]

وش لذة الدنيـا بـلا وصـل ووداع

صح لسانك الين انها فوق العادي يا مبدع

[الآكيد]

صح لسانك وبيض الله وجهك
قصيدة رائعه من شاعر مبدع ومتألق دائما

تحياتي

[الطامي]

خذ راحتك عمري ترى الشك مرفوع
ماني من عتـاب المحبيـن جـزًاع
تر الغلـط بيـن المحبيـن مرجـوع
حنا بشـر نجـرح ونفـرح ونلتـاع
،،،،،،،،،،،،،،،،،،،،،،،
الجريفاني
نعم والعتب مرفوووووووووووع
صح السانك ملايين
رائعة جدا
لاهنت اخي