(قلبك المغرم مثل سلك الحرير).،.،.،.،.،.،

[عبدالعزيز العمار]

السلام عليكم

من العايدين ومن الفايزين إن شاءالله وكل عام وانتم بخير..

هذه القصيدة مجاراة لقصيدة الشاعر القدير محمد بن عمار والتي كان عنوانها
(قلبي مثل سلك الحرير)
http://www.fatahilah.com/showthread.php?t=37163

في الحقيقة هي مجرد محاوله مجاراة لقصيدة ابوعبدالعزيز أرجوا أن تنال استحسانه
وتنال استحسانكم بالرضا والقبول ، وتفضلوا بكل سرور



*

*

*

(قلبك المغرم مثل سلك الحرير)=قلبي العاشق مثل غيث الغمام
للغرام ألوان واشكال ٍ كثير=والجمال أنواع في نبض الكلام
يامحمد كيف هالدنيا تصير=في تصاريف الهوى واهل الملام؟
بعضهم لاجاك لوام ٍ ضرير=فاهم ان الحب مشروعه حرام !
وبعضهم بالشور جاهل لو يشير=في كلامه مالقينا الإنسجام
أما الآخر بالنصيحه لك بصير=تاخذ العلم المفيد ابلا خصام
يانديمي كان ودك لي تشير=عن عذاب الحب وجنون الهيام
قلبي المشتاق للحب الكبير=ساكن ٍ بالروح في برد وسلام
القمر لاغاب نوره وش يصير=في غيابه حالتي صارت عدام
هو غناتي في حياتي والمصير=خِلي المجمول مصباح الظلام
أنطفا شمعي من الدمع الغزير=والحزن رفرف جناحه بي وحام
ساهرن بالليل والخاطر كسير=مامْرحت عيني ولا ذاقت منام
من غرامه صاير ٍ له كالأسير=واحتواني الشوق من راعي اللثام
لامني العذال وكم واحد يشير=في ملاك الحسن زادوني ملام
وانصحوني بالركاده لاتطير=وخل ّ عنك الحب ودروب الغرام
واتركوني في معاناتي خطير=مادرو عن علتي يابن الكرام
كم تمنيت المشاعر تستخير=واستريح امن الهوى واهل الملام
هذا حال القلب لا فارق عشير=ماهتنيت ابراحة البال ابسلام
شور ياللي جيتك اليوم استشير=قلبي العاشق صويب ٍ بالسهام
هو صحيح ان الهوى دربه عسير؟=ولا ّ انا غلطان بإدراك المرام؟

عبدالعزيز بن سعد العمار
15/9/1431هـ

[الطائر المهاجر]

رائعه من شاعر مبدع
جاريت واجدت
صح لسانك
ولا هان راسك
وكلكم يالعمار قلوبكم خضر
تحياتي

[الخنساء]

صح لسانك واعتلا شانك

قصيدة جزلة من شاعر متمن

سلمت ودام بوحك

[منيع]

مجاراه ولااروع
كل الشكر لكم
تحياتي وتقديري

[داعي الشوق]

صح لسااانك مليوووووون يالشاعر عبدالعزيز

و لله دررررررررك

مجاراة جزلة و متناسقه و معبره

و شيله طيبه و تسجيل رائع جدا

صح لسااانك مدد يا مطرب

مع تحيتي لك و تقديري

ولاهنت

************

[عمر ال شيبي]

قمه القلب هاهنا

سلمت لا عدمناك
وشكرا لك

[محمد بن عمار]

	خابرك في الغي رجال(ن) خبير = مايهزك قول هراج ، النمام كان تستسلم لمجمول(ن) ، غرير = فعقب هذي قل على الدنيا السلام

‏ ‏
صح لسانك وجاد بيانك يابن العم لاهنت ولاهان غاليك
تحياتي وتقديري
محمد بن عمار

[هترل]

ساهرن بالليل والخاطـر كسيـر
مامْرحت عيني ولا ذاقـت منـام
من غرامه صاير ٍ لـه كالأسيـر
واحتواني الشوق من راعي اللثام



صح لسانك يالذيب ولا هان راسك

شاعر جزل ومبدع ومتميز

وشهادتي فيك مجروحه

الله يوفقك ياعبد العزيز

امتعتنا بهذه الابيات العذبه


تحياتي العطره

[حوريه]

رائعه من شاعر
رائع ومتجدد الأبداع
دمت ودام عزك

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^