حكمة مديرة مدرسة !!

[شمس القحطاني]

هذه قصة قرأتها
ويقول ناقلها انها حقيقية .

تدور القصة حول مديرة مدرسة عزباء غابت عن المدرسة
يومين ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت .
قالن مبروك يامديرة ولكن منهو زوجك ؟.
قالت لهن بصراحة زوجي هو زوج إحداكن .
المدرسات تكفين علميننا أي وحدة منا ؟
قالت المديرة والله ما أعلمكن .
المهم لزّمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال ..
وافقن المدرسات على الطريقة .
ويوم جاء بكرا وكل وحدة مزهبه معها الدراهم .
جت الأوله والثانية والثالثة والرابعة حتى العاشرة والمديرة تاخذ الدراهم .
يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم ..
دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .
يوم طلعت لقنها عايدية وماصار شي وفلوسها أخذتها المديرة .
قالن يابنات فيه وحده منكن ماخذت المديرة دراهمها ؟
قالن لا والله كلنا اخذت دراهمنا .
ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟
قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد


..
قالوا المدرسات بردها الله بالعافيه فداك الدراهم
ولو تبين زود عطيناك هو صدق بس رجالنا ماتزوجوا علينا ..



انتهت القصة



تعليقي
أعتقد هنا كانت المديرة انسانة حكيمة استطاعت أن تعالج الأمور بحكمة وبطريقة صحيحة
ودون تسرع ..وبكل عقلانية !!

[راجي الحاج]

ههههههه

ان دل على شيء يدل على ان النساء لا يقبلن ما حلل الله للرجل

وينك يا ام زياد ( بارقة امل ) وينك يالعيناء تأكدت انه كلامي صحيح

شكرا لك اختنا شمس على هذه القصة التي شدتني من اول كلمة لاخر كلمه

قصة تحمل عبر ودلالات كبيره

دمت بخير

[وجدان القلوب]

سلمتي أختي ع هذه القصه قصه فعلا لها معنى...
لكن لاأعتقد انها واقعية ...ولكن القصة تدور إن كل شي يهون إلا إن رجلها مايتزوج عليها<<<ماينلاموووووووون
يعطيك العافيه ياقلبي...طرح جميل...

[ابومياس]

اعتقد لو طلبت 2000 ريال ماقالوا لا

هههههههههه

قصة جميلة

لك الشكر اخت شمس

دمتي بخير

[ابوعبدالرحمن القريشي]

يا حليلكن ...... كلش ولا عرس الرجل ؟؟؟؟

لكن هين انا ابسوي حملة اعلامية هائلة لتغيير هذا المفهوم
واسعاد العوانس في المجتمع ...

موضوع رائع يدل على ذكاء المديرة و.................. المعلمات .

الف شكر اختى شمس

[العيناء العامريه]

شكرا على القصه الحلوه

خخخخخخخخ

قصه فيها عبره ويازين ما سوت

قصة فيها شئ من الحكمة

[العيناء العامريه]

ممكن احد يفهمني القصه ؟؟؟؟؟؟

وربي قريتها و رديت عشان خجلت اقراها و ما ارد بس اشوفكم كلكم تقولون فيها حكمه و حلوه

وابغى افهمها بليز لو احد بس يوضحها لي اكون شاكره لو سمحتم يا فطاحله

ههههههههههههههههههه

مشكوره اختي شمس عالقصة وانا سبق وقرأتها ..

بالفعل ناس ما تجي الا باساليب ملتوية ،،

والبخل ذابحهااا هههههههههه


_________


العيناء يا قلبووو أقرأيها مره ثانية وتفهميهااا ،،

ولو ما فهمتي أنا أوضحها لك ،،


بس لا تكونين تتريقين


تحية طيبة للجميع ،،


،،،