محاورة نارية بين علي الغامدي وصنداح

[صنداح الزلامى]

بسم الله الرحمن الرحيم

تحية طيبة للجميع

أقدم لكم ملخص المحاورة التي جمعت كلا من الشاعرين (صنداح الزلامي و علي بن

مساعد الغامدي) وكانت البداية من صنداح الزلامي

كان طاروقا رائعه وذو معنى ومبنى



تشكر الشاعرين على ماقدموه في هذه المحاوره الرائعه
والشكر موصول لكل من شارك في المحاورة وشجع الشعراء


صنداح الزلامي /



سلام ياهل المعرفـه يالله عساكـم تسلمـون
.........................شاعر وابا انشد ربعي الشعار ويش حسوسهم
ياهل الجزاله عندكـم شعـار مايستسلمـون
.............................. ......وانا تراني جايـن الليلـه بكسـر روسهـم


علي بن مساعد الغامدي/



يا مرحبا ياشاعر(ن) حامي وجاب الصدر( مون)
.............................. ...ترحيب مـن شعارنـا وانـا محـل انفوسهـم
وتمون لكن عنـد تكسيـر الجماجـم ماتمـون
.............................. .....وان كان ماردّو على قافـك عسـاك تحوسهـم


صنداح الزلامي /


دام البقابك ياعلى وانته من اللي يحتمون
.............................. انت اول الشعار يالشاعر واخير اعسوسهم
العام مع مجموعة’ ياعلي فوق الهافمـون
.............................. .....واليوم ربعك يالحوالي غيـرو ملبوسهـم


علي بن مساعد الغامدي /



العين ماتعلى على الحاجب وربعي يكرمون
.............................. ....والحمد لله يوم انا جنبت راسك موسهـم
خلوني آكمل وهم من فوق فهمي يفهمون
.............................. .......شعّار والشعار ما تخفى عليك اْطقوسهـم


صنداح الزلامي /



كذا عرفت انك من الابطال حمرا ن العيـون
.............................. ......وياللي درست بمدرستهم ماجهلت دروسهـم
والوعل ابو قرنين يرقص ويتباها بالقـرون
.............................. ...........ويسبر على الغزلان مع سد الشفاء ويبوسهم


علي بن مساعد الغامدي /


لو هانو العالم على قلبي حبيبي ما يهون
.............................. .........ولا حسبت احساب عاقلهم على مهووسهم
ماهمي الا صاحبي خل العواذل يسكتـون
.............................. .............خنجر حبيبي عندي ارحم لي ولا دبّوسهم


صنداح الزلامي/


علم الحقيقه مايشيل الراس من بين المتـون
.............................. ..غير العزوم الصامله دوس المصايب دومسهم
اعرفك رجال (ن)كفو بس البشر مايستحـون
.............................. .......يكفيك ناموسك وخل الناس فـي ناموسهـم


علي بن مساعد الغامدي /


أصبحت ما بين استفاقة عقل وانياب الجنون
.............................. ...لي هاجسي ياصاحبي والناس في هاجوسهم
لكنّي ابقى غير في صبري وفي كتم الطعون
.............................. ............آكيد عذّالي إلين اسمع لطحـن اضروسهـم


صنداح الزلامي /


ان كان ماحصنت نفسك يالحوالي في الحصون
.............................. ..ولا تعشتـك الوحوش اذيابهـم وبسوسهـم
ناديتكم بالصوت قبل العام وانتـم تسمعـون
.............................. .وقدام لايطفي على اهل المجمعـه فانوسهـم


علي بن مساعد الغامدي /


اعذرك ياصنداح لكن شرط ربعي يعـذرون
.............................. .....والكلمة اللي قلت ما مرت على قاموسهـم
زله ومن صاحب ولو من يسمعونا يشرهون
.............................. ........با عدّي الزلة قبل تسمع جـرس ناقوسهـم


صنداح الزلامي/



من بعدي هاذي ياعلى ماعرضك مهما يكون
.............................. .اثر هجوسك ياعلى متوافقـه وهجوسهـم
خلاص قفلنا المجال وصك خـط التيلفـون
.............................. ....الله يخارج من هل الحله ومن جاسوسهـم

[عذب القوافي]

صح لسانك أبومحمد وصح لسان الشاعر الجميل / علي الغامدي

رديه عاليه من شعراء كبار

ألا على فكره صنداح الشاعر / علي الغامدي ماله صوت في الفطاحله

وين أبوسجا عسى الموانع خير إنقطاعه هناء

تقديري ,,,,,,

[الطامي]

صنداح
صح السانك والسان الغامدي
الحقيقه فتل ونقض من النوادر
لاهنتو جميعاً
شكرا لك على نقلها هنا

[نجم الإبداع]

صح لسانك ولسان علي ياصنداح

نقل جميل

لاهنت

مووووودتي

[عبدالله مذكر العقيلي]

صحت السنتكم

وبيض الله وجيهكم


تحيتي

[نفحات حساسة]

صح السانهم جميع

ولاهنتو..شعراء كبار

وتسلم.. يالطامى..على نقلك

[عمر ال شيبي]

صحت قلوبكم لا هنتم

[حي الضمير]

الله يبيض وجيهكم
امتعتونا يامميزين
وصح السنتكم