انتحر هتلر وشفتم ميتة القذافي

[نجم الإبداع]

كل ظالم له مع العالم حكايه حيه=وكل متكبر يذل! ومنزل الاعرافي
تبت ايد ابو لهب يومه سويد النيه=والنبي في بدر وارى جثته بالسافي
وقبلها في عاد حكمه للبشر مرويه=فالكتاب وجلّ رب البيت بالوصافي
اغرق الفرعون والنمرود جته الكيه=وانتحر هتلر وشفنا ميتة القذافي
ليت بشار الاسد يرجع ويترك غيه=وليت بن صالح خذ العبره وماجا كافي
ناضرو حسني وزين العابدين العيه=ضيعو تاريخهم يوم اشتروا الصرافي
ضاعو الحكام يوم الظلم فيهم طيه=ضيعوا الامه وتاريخ العرب ينعافي
الانانيه كستهم ثوب ماله طيه=وانتحوا شهواتهم واغتالو الانصافي
ليتنا ناخذ عِبر ونتوب توبه ريه=وننشر العدل ونقيم الدين والميلافي
قبل نلقى الله في يوم الحساب وضيه=قالوان العدل ساس الملك لانه وافي
وكل ضالم لو حسب مستقبله من شيه=ماظلم !لكن ينسى دام قلبه غافي

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[عبدالعزيز العمار]

الله يحفظ بلادنا وبلاد المسلمين من شر الفتن

صح لسانك وجاد بيانك

وافي وجزل ولاهنت

تحياتي لك

[كظيم]

الله الله الله

نجم الابداع
صح لسانك وفكرك
مـع الحدث دومـا ً
ابيات في قمة الروعـه
ابدعت فيهـا معنى ومضمون
والله يحمينا ويبعد عنا الفتن يارب
تقبلني وتقبل اعجابي ومروري المتواضع لاهنت
ودي وتقديري

[روح الشعر]

قصيده جزله لا هنت

يا كظيم

ننتظر جديدك

[منيع]

رائعة ومعبرة والسعيد من اتعظ بغيرة
شكرا لك
تحياتي

[داعي الشوق]

صح لسانك يا نجم الابداع

قصيدة واكبت الاحداث

لله دررك يا بو محمد

و صح لسانك كثر ابداعك

ولاهنت

[سناعيس]

دائما مع الاحداث
لله درك يابو محمد
وصح لسانك ولاهنت

تحياتي

[نجم الإبداع]

المشاركة الأصلية كتبت بواسطة الطائر المهاجر

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

صح بدنك دكتورنا

ويكفي مرورك على محاولتي

لاعدمتك

[نجم الإبداع]

المشاركة الأصلية كتبت بواسطة صوت الضمير

الله يحفظ بلادنا وبلاد المسلمين من شر الفتن

صح لسانك وجاد بيانك

وافي وجزل ولاهنت

تحياتي لك

صح بدنك يابن عمار

وشكرا لطيب مرورك

لاعدمتك