ليلة خميس وكل مشغول

[الطائر المهاجر]

ليلة خميس وكل مشغول بعروس = والا مع الشله بلوتٍ وكنكان
والله شغلني ادفع الجهد وفلوس= وجهز المجلس لزوار واخوان

[نجم الإبداع]

اعرس وش الي ردك ان كنت مفروس = دامك شباب وقلبك اليوم ولهان
والمجلس ابشر نخدمك فيه ونحوس = نكرم ضيوفك لاتفكر بنقصان

[الطائر المهاجر]

الظاهر ان الجيب يافلان متروس = دايم مولع داخلك تقل بركان
ماياخذ الثنتين ياكود مهووس = فالورد يتشابه على كل الالوان

[نجم الإبداع]

في كل يوم ووجبتك صحن معدوس = بالله مامليت ياشيخ عثمان
غير ترى التغيير طيب ومدروس = زهر الخزامي مايشابه لريحان

[الطائر المهاجر]

وجه تعرفه خير من وجه مدسوس = فالخاتمه وحده بعد طول الازمان
ولا من غمزك ابليس غير لمكبوس= سيّر على كيفك وباعد بالاوطان

[نجم الإبداع]

الهقوه ان الداخليه بك تجوس = ودك تجاملها وبالقلب نيران
خابرك قبل العام خاطب بطرطوس = والا فسخت الخطبه من عقب الاعلان

[الطائر المهاجر]

اناعروسي الفطاحل دوم معها جلوس= وانته بليا عروس ودايمٍ بدوجان
مثل المسبه ونارك تقل نار المجوس = تطرد بكل النوادي مامسك المكان

أبو عبد الله

فلاح بن منشار

الليل

متابع وماسك الحياد

تقبلوا تحياتي

[نجم الإبداع]

طيب يابو عبدالله
الليل ساري
والحق التهريب

ياعود دامك تحلق الدقن بالموس = مالك امان وناوي تروح لبنان
انا سعيد الحظ واما انت منحوس = اشوف تهريب المكينه وخجلان

[نجم الإبداع]

ارحب يامحمد

حضورك نوماس

لاعدمناك