الليالي فرقتنا كيف تجمعنا الليالي

[الطائر المهاجر]

الليالي فرقتنا كيف تجمعنا الليالي=وكل حلمٍ ما تحقق والأمل اصبح زهيد
آه يا جرحٍ تجدد آه انا واسم حالي= دنيتي عيّت تصافي والزمن طبعه عنيد
كلما ظنيت هانت جاني شيٍ ما طرى لي= بين فرقى وبين حظٍ واقفٍ لي كالضديد
وبين همٍ في ضلوعي زاد بالقلب اشتعالي= لو تجاهلته للحظه جاني مع همٍ جديد
اتصبر عل تفرج والصبر عيا احتمالي= بين غار وبين نارٍ تشتعل مثل الوقيد
الزمن ماهو لمثلي لو اساير باعتدالي= واضحٍ يبغى الخلايق تتبعه مثل العبيد
شان يحيوا مثل خرفانٍ تناطح في ختالي= للتبن ترعى وتسكت ماتفكر بالبعيد
ان ثغت بالشكر طارت مثل صقرٍ للعلالي= وان بدى منها احتجاجٍ طالها كل الجحيد
لو رضيت اللي انكتب لي خفت من وضع العيالي=في زمن من دون ظهرٍ تصبح بدارك شريد
والله اني صرت مدري وين ياخذنا المآلي= مير انا سلمت امري لرب يفعل مايريد

[الطامي]

الطائر
صح السانك ملايين
فعلا الشعر من حنكة شاعره
اجدت فيما قلت لافض فوك
شكرا لك

[داعي الشوق]

صح لسانك و طاب حالك

و عساك سالم

الله يعين يا بو عبدالله

ولاهنت

[عبدالله الشويمان]

صح لسلنك واعتلا شانك يابوعبدالله

قصيده جزله مبنى ومعنى

دمت بخير ولاهنت

[عبدالله السويلم]

صح لسانك يابوعبدالله

ابدعت وامتعت


مبنى ومعنى
تحياتي لك يالغالي

[نجم الإبداع]

ونعم بالله لقد سلمت امرك لمن يقدر

صح لسانك يادكتور

مناجاه رائعه

لاهنت

[بنت النور]

آه يــــــا جــــــرحٍ تـــجـــدد آه انـــــــا واســـــــم حـــالــــي
دنـيـتــي عــيّــت تـصـافــي والــزمـــن طـبــعــه عـنــيــد
كلـمـا ظـنـيـت هـانــت جـانــي شـــيٍ مـــا طـــرى لـــي
بــيــن فــرقــى وبــيــن حــــظٍ واقــــفٍ لــــي كـالـضـديـد
وبـيــن هـــمٍ فـــي ضـلـوعــي زاد بـالـقـلـب اشـتـعـالـي
لــــو تجـاهـلـتـه لـلـحـظـه جــانــي مــــع هــــمٍ جــديـــد





صح قلبك من الهموم
كلماااات رائعه سطرت لناروعة في قمة رونقهآ
جمال مختلج داخلها
حروف تلامس رقة الأوتار
عوآفي على طرحٍ بجمآإْل اليآإْقوت
ماننحرم من ابداعك ..
ودي ..

[منيع]

مبدع ورائع
شكرا لك
تحياتي

[عبدالمحسن الرحمه]

صح الله السانك على هذي الدرة
فائق احترامي لك طال عمرك

[ساهر الليل]

صح لسانك ياعود وطاب حالك

والامر لله في كل الاحوال

عساك عالقوه دوم

ابدعت وامتعت لاهنت

تقبل تحياتي