سنين العمر

[هاوي نجد]

انعد السنه بيامها والليالي السود = وسنين العمر تمضي وحن نفتكر فيها
على الله شكينا ثم على ماكر اهل الجود = سعيد(ن)ولد ذيبان يفهم مغازيها
ابي تفتكر في جادل(ن) تفتن المقرود = وراعي الكرامه مقفين مشتقى فيها
عليهاجمال(ن)في جمال(ن)عليه شهود = وعشاشيقها ياكثرهم في حراويها
ترا من عشقها تفتنه بالهنا والزود = وهي نقص في نقص(ن)خسر من يهاويها
وعندي نصيحه قلتها والهجوس حشود = تجارب زمان(ن)والحكم في معانيها
حافظ على دينك ترا الوقت نقص وزود = وصيور كل انسان داره مخليها
وحاول ترد الدين يللي خذيت الزود = جمايل اثنينً لوتبي منت محصيها
ولاتشتحن للرزق رزقك على المعبود = ولاتشتقي في سلعة الناس تبغيها
ولاتهين نفسك ياولد تاليتك الدود = ولاتفعل الجادات في غير راعيها
ولاتيدي الغايه الّخبل(ن)قريب سدود = مع الوقت تلقى الّخبل للناس مفشيها
ولاتناسب اللي للمواجيب جاه الكود =فتخسر عيالك والبلا من عوانيها
لونست من وقتك وعينت منه اللهود = فلاتشتكي للناس تكثر حكاويها
ترا الصبر مهما صار تلقى وراه الفود = وحياة(ن)بليا صبر تكثر بلاويها

[البتال]

صح لسانك وقلبك
جزله من جزل
لاهنت
تقبل تحياتي

[عمر ال شيبي]

اهنيك على القول السليم والموعظه الطيبه
حكمه ونصح
سلمت يدك لا هنت

[منيع]

ابيات جزلة وموعظة طيبة
تسلم اخي الكريم
تحياتي

[الطامي]

هاوي
صح السانك ملايين
رائعة لافض فوك
شكرال ك

[الخنساء]

ولاتشـتـحـن لـلــرزق رزقـــك عـلــى المـعـبـود

ولاتـشـتـقـي فــــي سـلـعــة الــنــاس تـبـغـيـهـا

ولاتـهـيــن نـفـســك يــاولـــد تـالـيـتــك الـــــدود

ولاتـفــعــل الــجـــادات فـــــي غــيـــر راعــيــهــا

ولاتــيــدي الـغـايــه الّخـبـل(ن)قـريـب ســــدود

مــع الـوقـت تلـقـى الّخـبـل للـنـاس مفشيـهـا

صح لسانك مليون ولايكفون

قصيدة جزلة من شاعر متمكن

سلمت ودام حرفك

[داعي الشوق]

تــحافظ على دينك ترا الوقت نقـص وزود
،،،،،،،،،،،،،،،،،،، وصيـور كـل انسـان داره مخليـهـا
................

صح لسااااااانك مليوون يا بو حزام

و لله دررررررك يالشاعر

ابداع و امتاع في المعنى و المضمون

جزل يا هاوي نجد

و صح لسانك مدد

ولاهنت

************

[بنت النور]

صح لسانك

يعطيك العافيه

و لاهنت يا مبدع

[الـزلـزال]

هاوي نجد

نص مميز ومتقن وجزل
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
دمت بخير ودام لنا حرفك الراقي
صح لسانك ملايين ملايين
ولك فائق تحياتي وتقديري

[عبير الورد]

الله الله

صح لسااااااانك ملايين

سلمت وسلم منطوقك الجزل

ربي يعطيك العافية