تغريب الورد !!

ارجو تمريرها
لقلوبكم البيضاء

سَلَم عرض الصياح , صياح ! لو كلّ الكـلام دمـوع = مثـل نـزفٍ علـى جـرح السنيـن وعـاد ترتيبـه
على جال الظما , ولاّ علـى ذكـرى حيـاة الجـوع = أشـوف الـورد يحكـي لاحتفـال البـرد تغريـبـه
أحبّك كثر دمعٍ فـاض فـي رمـل الذنـوب خشـوع = كثر مامرّنـي كِسْـرَة حطـام الوقـت وامشـي بـه
وكثـر ماحنّـت دموعـي سحابـه وانفجـر ينبـوع = وكثر ماقلت : احبّك لـ " آخر " الديجور واسـري بـه
وكثـر ماضيّقـت صـدر القوافـل شيمـة الموجـوع = وكثر ماصدّ صبـح مـن الولـه وامسـى يقفّـي بـه
سلام من المكان اللّي تغنّـى بـ " الزمـان " رجـوع = يردّدنـي : مسـاءات الحنيـن , وذاكِــرة طيـبـه
أسولف عن وجيه الماء واشوفك فـي كـذا موضـوع = غريبـه يـ " الجمـال " اللّـي تسولفنـي عذاريـبـه
تلمّستك " بدايه " من خطـا , يـوم الخطـا مرجـوع = واشوفك " حلم " فـي وضـح النهـار اللّـي يهذريبـه
غطا " ملح " الوجود ركام , من خصب " البعاد " دروع = وقف في جالها " خصـف " الشجـر واقفـت مناديبـه
سقاني " عذبك " الجارح شفيف من الأسـى مصنـوع = وأثاري " رشفـة " البـارح زمـن ماحـان تغييبـه !
قرع كأس الحنايا " مهجتي " ليـن انطفيـت شمـوع ! = على " نخب " الضمير اللّي حضر فـي حفـل تانيبـه
أبيك من " الندى " لين آخر ايام " المـدى " المشـروع = مثل عطر المساء لاجاب " نفحـه " مـن مسائـي بـه
أنا كنت ارسمك " فجر القصيـد " وفرحـة الاسبـوع = كثر بسمة " أمل " فيني , كثـر ماصابنـي " خيبـه "
سرحتك واقـعٍ مظلـم , سريتـك حلمـي المفجـوع ! = بلادي غنّت الورقا تقـول : ( الـورد وش لـي بـه )
تعبت أطلق سراح الوجد فينـي , والسيـاج ضلـوع ! = كثر ماحلّ بي جُرْم الدجـى وادخـل فـي تخشيبـه !!
لمحتك قبل لـ " ادريبك " وشفتك فـي زمـان الجـوع = قبل ماانسى " حنيني " مع مرور الوقـت وادريبـه !!

فيصل

[سناعيس]

صح لسانك يافيصل
على هذه الجزلة الرائعه بكل ما حملت
بيض الله وجهك

تحياتي

[الخنساء]

صح لسانك اخي الشاعر فيصل
لاهان راسك قصيدة رااائعة
سلمت وسلم شعرك
دمت بخير

أبيك من " الندى " لين آخر ايام " المدى " المشـروع=مثل عطر المساء لاجاب " نفحه " مـن مسائـي بـه
أنا كنت ارسمك " فجر القصيـد " وفرحـة الاسبـوع=كثر بسمة " أمل " فيني , كثـر ماصابنـي " خيبـه "

الله
الله
الله
عليك الشاعر الرائع
فيصل المهلكي
قصيدة رقيقة ورائعة المعنى سلسة الاسلوب
دمت بنقاء قلبك
جميل الشعر بهذه الرقة والجزالة
والإبداع
احترامي وتقديري
ينابيع السبيعي

[المهادي]

صح منطوقك اخووويه ولا هنت


في انتظار جديدك

مبدع أنت

إذ تنشئ من النسج شعرا

وباسمك

يخرج إبداعاً

فائق الروعة

* تسلم لنا اناملك الذهبية يالغالى

* ودمت ولا هنت

تحياتى لك

حروف وابيات ترجمت أروع الكلمات

سلمت وسلم حرفك

دمت بخير

[البسام]

صح لسانك

مدد بلا عدد

لاهنت يالغالي

[حسام]

صح لسانك و لا هنت
نص راقى عذب المعانى
سلمت مشاعرك
دمت بـ إبداع