ودك تشوف اشجع بنات الجزيره !!

[شجون القصيد]

.

. .

. . .

ودك تشوف اشجع بنات الجزيره = شف وقفتي رغم اللذي منك جاني
وودك تشوف الرايعه والخطيره = افتح قصيدي واكتحل بالمعاني
ثنتين ملكي لو تطول المسيره = شموخ راسي والحروف الحساني
عقلي واعرفه كل ربعي تشيره = وحرفي تصدر مامعه حي ثاني
حتى ولو توي بعمري صغيره = ترجح موازيني ويرسي جناني
ورغم الليالي الموحشه والعسيره = ابسم بوجه الوقت لو هو عصاني
اضحك لو بقلبي لهيب السعيره = يبطي عدوي مالحظني معاني
حتى الهوا كله بشره وخيره = اللي وصلني من عذابه كفاني
يامل قلبٍ صدمته من عشيره = اقوى بلاوي الوقت خلٍ اناني
تسقيه من صافي غلاك وغزيره = ويرمي بسهم الصد بين المحاني
ترجع خليٍ كل ماجيت بيره = لاكلمةٍ حلوه ولا من حناني
يمطر بجوفك من حروفٍ كبيره = تجرح فؤادك مثل جرح السناني
واترجم سهومك ولو هي كثيره = قصيدةٍ تسري بحلو الاغاني
والياس ينهش خافقٍ تستثيره = هموم بقعا كل ماجيت عاني
واليوم مالي به ولا لي بغيره = بهنا مثل باقي عذارى زماني
بترك مخاوي يوم يشكي لطيره = والحان ابو نوره ونغمات داني*
واسمع شخاميط الاغاني الاخيره = وابوس واوا مثل باقي الغواني

* مخاوي= الفنان خالدعبدالرحمن

[الآكيد]

حروف من ذهب


كلمات رايعه
ابيات جزله تم صياغتها بحرافه

شاعره متمكنه


صح لسانك على هذا النزف

[حوريه]

نص رائع وراقي
من شاعره رائعه
سلمتي شجون
ولا هنتي

[ماجد الزيد]

نص اكثر من رائع
تمكن وسلاسة لا متناهية
صح الله لسانك ملايين وجاد بنانك

[الطائر المهاجر]

صح لسانك وقلبك
ولا هان راسك
تحياتي

[نفحات حساسة]

صح السانك/ شجون

ولاهنتي..أبيات رائعه..سلمتي

وسلم فكرك..

تحيتي الخالصه لكي..

[الخنساء]

صح لسانك مليون ولايكفووون

لاهنتى ودام حرفك

[حي الضمير]

ونعم وكفو يابنت الرجال
وصح لسانك يامميزه
قصيده رائعه وابدعتي بارك الله فيك
أجزل التحايا والاحترام

[منيع]

ابداع وتميز
شكرا لك ولحرفك الراقي
تحياتي وتقديري

[داعي الشوق]

صح لسانك يالشاعرة شجوون

قصيدة جدا جميلة

لها واقع خاص عند شاعرتها

لله دررك يا شجوون

تصوير جميل و رائع

صح لسانك مع التقدير لك

***********