<< وده يسمر اذا موجود احد؟

[حمد مرزوق الحربي]

يا هل الشعر يا هل المقام العالي
======================ابى لي شاعر قرم(ن) ورجالي
اركّـبـه مـعـيـه نـبـى الـمـعـالــي
======================ما ضاع حق(ن) من وراه مطالب

قربوا لي قربوا يـا شـعار ----++++++++++++---- الحطب صيتها من نارها
نبي نسلك يمينك يا مسار ----++++++++++++---- مانبى اليسار ولا قارها

[الطائر المهاجر]

مرحبا بالشاعر اللي في الفطاحل غالي= لا تشرط في الطلب واقبل الحالي
جاك عودٍ مهدفٍ ما يبي للصالي = وما ضاع حق ومن وراه مطالب
سيلك اللي مقبل فيه انحدار = دونه جبال تحد انهارها
لا تعجل وامسك الدور انتظار = وانتبه للملعبه واسرارها

[حمد مرزوق الحربي]

حست الوزن يالمشرف المسمى
===================سورة تبارك ما هي مثل عمّ
نـميت عـقـلـي و انـتـه مـا تـنـمّ
===================ما ضاع حق من وراه مطالب

السيول المنحدرة ما تجار----++++++++++++----سواة المطيرية بجارها
ذيب مـع الذيابه يـا شطار----++++++++++++----والطيارة تبى طيارها

[الطائر المهاجر]

انا قايل لاتشترط
تقبل اللي جيك .... تراي مشغول
ماني فاضي اتأكد من الوزنية

[حمد مرزوق الحربي]

لاااااااا ابد معذووور يا بو عبد الله,,,

[الطائر المهاجر]

الشعر كله حكى فلاتزيد الجم = وتخليني ابلش بين واو وثم
وعقلك ولو نميت ما يلتم = ولا ضاع حق من وراه مطالب
خلك من السياسه يابختيار = وانتبه لاتصدم بمضمارها
امطير وإلاّ حرب هم اخيار = واحب ربع تنتخي باخيارها

[حمد مرزوق الحربي]

العلة ما هي بالحكي العلة
================= العلة في ما تحتوي السلة
وعقلي فطين(ن)يبعد اعن الزلة
=================ماضاع حق من وراه مطالب


للسياسة حطيت انا المضمار----++++++++++++---- لا تخاف السدود وفارها
الخردة حرّج عليها السمسار----++++++++++++----والقطعة ما لقت سمسارها

[الطائر المهاجر]

هالوقت كل نايم مع خله = وانته ونا والنت في غربله
وعيوننا محتاسة معتله = وما ضاع حق وراه مطالب
الفار في مأرب لعب وانهار= ومن بعدها العربان مع اوبارها
قالوا عرب لنه عبر لديار = والبعض قوم ديرته باشجارها

[حمد مرزوق الحربي]

ذكرتني يا المشرف ابخلاني
================== يوم العرب حطوا لهم عنواني
صكوا على الغرفة عن الأعياني
==================ما ضاع حق من وراه مطالب


يكفينا الله شر(ن) مثل هالفار----++++++++++++----هذي هي الدنيا واقدارها
الطير المهاجـر عجـز مـا طـار----++++++++++++---- ولا عرف الألغاز و دارها

[الطائر المهاجر]

الغرفة اللي قلت يالشيهاني = مسكونة ياصاحبي بالجاني
لامن فتحت القفل والبيباني = قالوا وراك اليوم فينا راغب
اللغز مااعطيته ولو افكار = امشي معك بالقاف لو باعسارها
وشوله اشغل بالي المحتار= وادور الاسرار في افكارها