محاوره جماعيه28-9-1430

[نفحات حساسة]

ياهلا بشيباننا وكل واحـــــــد في مــكانه=حالفٍ محدٍ يقوم اويقبل خشــــــم ثاني=(الطائر)
خايف من امرض تعدي مالاها لون وامانه=والبقا باللي حضرنا فاصي في القلب داني
لاتحاول تمتحنا وانت تاكــــل برتـــــــكانه=تقلب الي حق باطل يالعويد المهمهاني= (فلاح)
انت تشبه للبعيــر الي تغيــــــر به زمانه=قام ياكل في سنامه عقب ماضاع المكاني
اشهد انك بدر يلمع فالسماء بان لمعــانه=منت مثل اللي يسمى خالد راع الغواني= (الطائر)
ومنت صنداح الزلامي شيخ قوم من سمانه= كبر كرشه لين ثقل بين رز وبيدجاني
لو بطبّ الملعبه تعرف وعندي لك خزانه = بكشف المستور يالشايب ونعرفك العباني= (فارس القوافى)
ماتدوّر غير شرهه من لعانه في لعانه = راكب ن جمسن قديم ن روح دوّر لك لثاني
لا تحاول لا تحاول بعد هرجك عن جمانه=كل شي صار واضح بين فل واقحواني=(الطائر)
والتكرن اللي تدور ما تفكر بالمهانه= لين صادتك وحده وانت مثل البغبغاني
قالو ان العود هايج وللعرب مطلق لسانه=واعرف ان الــذيب خالد ذيب مايبغى ضماني= (نجم الإبداع)
صاحبي صنداح حر ومخلبه عنده ضمانه=مير هذا الــــوقت خاين والزمن ياعود ساني
قال من شاهدك يالثعلب وجاب اللي وزانه=كلكـــــم في المكر واحد حق ماهو من لساني= (الطائر)
المحجر الصحي شهيد وكل تكرون ببيانه= يعرفك من يوم جيته راكض معلق سواني
جيت امكمكم بمشعابي وهذي مكمكانه=خنشليله شاهده واسواق بن قاسم تعاني=(نجم الإبداع)
يوم في منفوحه جيتك قلت ماعندي استكانه= خل عاد اليوم في وسط النسيم اصبحت هاني
لو بدوّر مابدوّر غير ابو عشر وثمانه = وانت طايح بالعنوز اللي لعب فيها الزماني= (فارس القوافى)
ياحليلك ياحليلك صايبك رهل وبدانه = روّحت فيك السنين وقمت تلعــب ليل داني
راجع التاريخ تقرا من يحامر في زمانه=كلكم معروف عنكم فلا تنبش في الزماني= (الطائر)
وانت يانجم تعلى طاح ماله من مكانه=صورتك تكشف علومك فلا تنبش شي ثاني
خل تاريخ القبائل مانبي ننبش بيانه= لاجل فيه الفرق واضح بين طيب وبين خاني=(نجم الإبداع)
خيلي المسروج دايم حولكم مطلق عنانه= والسيوف الي تلامع فوقكم وارمق سناني
وين صاحبك الزلامي راح وعيونك تعانه = ضيّع السيره وخلاّ صاحبه بين المعاني= (فارس القوافى)
وانت واقف تنتظر فزعات من حول البطانه = والبطانه مادروا بك يارفيقي وانت عاني
خيلكم راحت وطي وكل خيال وعنــــانه= وانت تعرف كيف في الهيجاء باطلق في عناني= (الطائر)
مامعك إلا حصيني ذيله البايــن امانــــه=ما يغطي ربع فعله في شوارع ليل داني
عودنا وش علمه الليله نسانا من حنانه = كنّي أشوفه تحّزم .عامل بمطعم يماني= (العياش)
ياطوير الخوص من خان الرفيق الله خانه = انت متغطرس وذولا كلهم حسبة اخواني
انت يالطائر عقيد القوم وابشــر بالاعانــه=جاك من رد العداء بالحيره والا في عماي= (نجم الإبداع)
سيفك اللماع لو تبغى نسافر ليـــن غانه= مالك الا رجل صامل لو تأشر بالبناني
افا ، المستجيــر بعمــــر عنــــد كـــــربته= كالمستجير من الرمضـــاء بالنار=(الطائر)
ماخبرت انك لطيعي ضاري درب الخيـــانه= لين شفتك تنقلب كالضب في وسط الأواني
انت لك قدر ن ولا نوصلك لحدود الاهــانه = وكل من لايجتهد يسقط بيوم الامتحاني= (العياش)
خفّف الماكول لايصيبك من اللحمه بدانه = والحليم اللي مثل صبري على قاصي وداني
بو كرم ماهو غشيم ن يعرف اللعب ابتكانه = يعرف الصاحب ويعرف كيف يلسع بالثماني= (فارس القوافى)
تحسبني مثل شخصك ضايعٍ ضيع جنانـــه=شوف وجهك فالمرايه ومكيجه في لون ثاني= (الطائر)
لاعب في سيف غيرك ضارب له بالشنانــه= تحسبه يصمد لموج جاه يوم انه حداني=
وجهي اللي ناصعن كالبدر في اول بيانــه = لامشيت بدرب كلن في تحاياه ايغشاني= (العياش)
وانت لو تمشي بدربن ضاق مع كل اوسعانه = وارحلوا كل العوايل وسكنوا في حي
وجه جيهان وسلوى وإلا مثـل الخيزرانـــه= وجه قوطي داعسه قلاب عفطه بثواني= (الطائر)
الأسد لا من تحدر كل يرحل فــي مهانـــه=وانت ياذيخ الهبني مثل شكلي ما تداني
الجمال اليوسفي خلقه الله عظيم شانـه = والقرود قرود خلقة واحدن مامعه ثاني= (العياش)
لا تكرر في القوافي وللأســـد دور عرانــه=ودام ما تقدر فخل السيف للنجم اليماني (الطائر)
من تعلّم للحلاقه فاليتامـى وش رهانـــه =لا وصل وسط الطعوس ايعود ماظنّه يباني= (فارس القوافى)
يالطوير اشبك تفتش في صناديق الخزانه = جعل خالتك القماشه في خبر كاني وكاني
الحصيني يوم شال الذيل ماشفت العبانــه=مير لام قرين لفه شفتها حول المباني= (نجم الإبداع)
خالتي سر النجاح ولكل فطحــولٍ مكانـــه= ومن تعدى الحد يوقف دون عنفٍ او لياني= (الطائر)
وانتم نجوم تعدت للـــــمجره بكــل خانـــه= لاتخافوها وخافو كل من يرضى الهواني
كلها مزحه ولاني قاصـــد الليلـــه لعانـــه =وحقكم يوصل وراسك فوق ياعذب المعاني= (فارس القوافى)
كل واحد يعرف المزحه ويعرف من خوانه =والبنـــيه اختنا واحنــــا لها ســـد وعواني
عارفك لو لفيت ذيلك وكل لعبٍ له اوانــــه= وشاتنا هو ملعبتنا جد اومزح بتداني= (الطائر)
ومانلف ولا ندور ولا تخلّــــيها لبــــــانــــه = يزعلون الخلق منّا وانت تدري وش كواني= (فارس القوافى)

[سناعيس]

الله الله
الكل منكم صح لسانه
والله لايهينكم
وادام الله بينكم الالفة والمحبه
وشكرا للاخت نفحات على النقل والترتيب

تحياتي

[الطامي]

صح صح صح السنتكم
عمالقة قول وحرف
رائعة جدا جدا
شكرا لش نفوحه على النقل
لاهنتي

[نفحات حساسة]

المشاركة الأصلية كتبت بواسطة سناعيس

الله الله
الكل منكم صح لسانه
والله لايهينكم
وادام الله بينكم الالفة والمحبه
وشكرا للاخت نفحات على النقل والترتيب

تحياتي

هلا بك... اما الترتيب ماهقيت
يسلم من عدله..

[نفحات حساسة]

المشاركة الأصلية كتبت بواسطة الطامي

صح صح صح السنتكم
عمالقة قول وحرف
رائعة جدا جدا
شكرا لش نفوحه على النقل
لاهنتي

هلا بك.. وحياااك

[عالي مستواها]

صحت إلسنتكم
شكرا نفحات على النقل
يعطيكم العافيه

[اللهيب]

كتبت فأمتعت
شكراً لك
تحياتي

[المؤذن]

مشكور
على ما افدتنا به
تحياتي

[المورد]

مشكور
على ما افدتنا به
تحياتي

[خميس]

بارك الله فيك
كتبت فقرأت فاستفدنا
تحياتي واحترامي