دعوة عامه...

[يوسف الشقران]

الدعوة عامه....

الموجود يرد علي المعني اللي يلقاه ويفهمه من اخر رد
والحاضر يسد عن الغايب ...


والدعوة عامه

سلام الله على اللي سلمه ربي من الالحاد = فلاهو مشرك ابربه ولاهو منكر السنّه
سلامي يالفطاحل جيتكم بالملعبه نشاد = واقول اللي قرا يقرا ويرد ولا نبي منّّه

يسلموا ولله
صح لسانك و
حبيت انثر شكري
بكلماتك الشجية
بالتوفيق

[ابو زياد]

هلا بالي بدع قاف يبي له جلسه ومقعاد=يبي له علم مخفى واضن انه واضن انه
يبي له علم محدد وهو مقبل تقول زناد=نوى له شخص ملكع يجي طرقه على فنه

وتراني مالي دخل بس اعجبني مطلع الحوار
والدعوى مفتوحه قلت اسلم عليكم
صح لسانك يابوعيسى

[يوسف الشقران]

هلا يامستشار الشعر وأهلا فيك يابو ازياد = هلابك وين ماحليت وأهلا مابها ضنّه
ولكن كيف ترضى مانقهوي حضرة الأجواد = ترى يركبك حق ان ما رشفت الهيل والبنّه

مراحب يا ابو زياد

والدعوه مثل ماهي بالاول كل احد يحضر يرد علي البيتين اللي يلقاهن وجماعيه

وتراني ما قصدت احد

( ولا الملكعين خابرينهم )

[الطائر المهاجر]

الا يامرحبا باللي على سلم العرب معتاد= ابو عيسى سليل المجد فوق الشك والظنه
انا مالي بلعب معرفه ولا اطلع للسماء بمنطاد= انا يادوب احرك في الجناح ولا اعرف الغنه

هلا هلا هواء هواء ياعنتر ياولد شداد=فدا عبله هوا عبله عساء شيبو فدا عنه
الا يالمشرف الدكتور اشوفك دايمن تنصاد=ولكن وحده بوحده إذا أنك تبغي الجنه

[سناعيس]

انا جيت اتلاحق يالله الخيره من العداد=عسى ماينقطع فيني من السرعه على الدنه
ابلحق للرجال اللي بدا عيسى بهم وقاد=يبي جزل القصيد اللي له الجمهور ممتنه

[نجم الإبداع]

وانا مالي هوى لكن لازم نلحق الرواد= هل الفكر السليم الي لهم بالقافيه رنه
تحياتي لكم من خافقٍ دايم لكم نشاد=وتوي كنت اتابع بالجزيره بنت بن قنه

[شقير المهلكي]

هلا يا شاعرٍ ابدع هلا يا شاعرٍ يزداد=يحبنه بيوت الشعر والالحان حبنّه
ترا من ضل يرجع بعد ما يشبع من اكل الزاد=يزين ادعاه ماتسمع لصوته يا ولد زنّه

[ماجد المهدي]

سلام الله سلام(ن) من طفولي بين يدكم غاد = سلام(ن) من طفولي هو ترى في صوته الونّه
ووضعي شايفه مثل الذي توه ترى هو باد = فطاحل ما اقول إلا ابي حنّه ورى حنّه

ماجد المهدي