الخوف.......

السلام عليكم....

حبيت نتناقش في موضوع الخوف اقصد الخوف من المستقبل ابي اسمع ارايكم في هذا الموضوع ممكن تشوفونه

غريب بس كثير ناس فيهم الخوف من المستقبل ومن بينهم انا ومن القصص الي سمعتها هي وما احد قالي انا

سمعتها تركت خطيبها الي هي متعلقه فيه بسبب الخوف وهي محتاره الحين لانه تقدملها شخص ثاني هي تقبل والا لا

كنت اقول خوفي من المستقبل مستحيل انه يخليني اترك خطيبي بسبب هذا بس صدقوني بعد سنين خطبه

بديت احس هذا الاحساس اني اتركه وكل شوي وانا أخره كان هي بالصيفيه بعدين اجلت لعيد الفطر للحج والحين الصيفيه الجايه وهذي بعد معانها وبكاء لخطيبي كله اني اخاف وكل ماحسيت انه قرب احس اني بتركه ومدة الخطبه سنين بس اش الي يعقلني حتى لو تركته وجا شخص ثاني بكون بعد خايفه خايفه من وشو ما ادري مو بس بالمواضيع هذي بكل اموري الحياة معاي ابي اجلس زي ما انا لا اتقدم ولا اتأخر خطوه اكون راضيه وقابله ابيكم تساعدوني باراءكم الصراحه ما كتبت الكلام هذا الي بعد ماضاقت نفسي الخوف سيطر علي بقوه لو سالتوا ليش تخافين ومن وشو بقوووول مااااااااااااااااااااااااااااا اااااااأدري الله يخليكم ابي مساعدتكم يمكن تقولون كلام يثبت براسي وكل ما خفت تذكرت كلامكم

أختي الفاضلة // دارين ...

أول حاجه الخوف في الإنسان من وجهة نظري ليس شيء خارج عن نفسه إذاً فهو جزء منك وفي نفسك فلا يستطيع أحد مساعدتك إلا نفسك ...
بمعنى نحن كلنا في داخلنا خوف ولكن بعضنا يكون خوفه عائق له عن التقدم وبعضنا عائقه هو دافعه للتقدم ...

فأنتي متى جعلتي الخفو عقبة سيمنعك من التقدم ولكن لو جعلتيه دافعاً سيدفعك للتقدم فالمطلوب منك أن مهما كنتي خايفة من أي شيء فكري دوماص بما بعد الخوف أعطيك مثال لو كان في أسنانك سن يؤلمك وبشدة وقرر الطبيب خلعه فأنك إن خفتي جلستي تتألمين بقية الوقت ولكنك لو فكرتي بأن هذا الخوف يجب أن لا يمنعك من التقدم للشيء الصحيح وهو خلعه وقلتي إن ألم خلعه سياخذ على أكثر تقدير دقائق وبعدها ثمرة الخلع هذا أني سأرتاح من الآم هذا السن فأنك ستتقدمين وتخلعينه وترتاحين منه ... فدائماً تجاوزي الألم والخوف إلى الثمرة فإن طعم الثمرة اللذيذ سيجعلك تتقدمين وتقتحمين العقبات وإن كبر الخوف فمن منا لا يخاف ولكن لا تجعليه عائق حياتك فيدمرها لك ...

الحل في يدك وليس في يد أحد غيرك تقدمي وأن كنتي تخافين تقدمي وأقتحمي الصعاب فما بلغ الناس العلا إلا بإقتحام الصعاب وتجاهل الخوف أو حتى بدافع الخوف بعض الاحيان ..

أشكرك


تحياتي ..

[شموخ سدير]

انا مثلك يا اخت دارين اخاف من هالموضوع بشكل ماتتخيلين لان يمكن ان حنا نحب اهلنا

بصوره موطبيعيه ونخاف نفارقهم او لان الله مابعد كتب نصيب او لسبب ان الوحده بتعيش

طول عمرها مع هالشخص وهي ماتعرفه او او او او كلها عقبات انا ما اقول لك لا بس

انتي ماشاء الله مخطوبه من سنه واكيد عرفتيه من ناحية طباعه ومزاجه وانا اشوف ان تاخيرك

للمشروع ماله سبب واضح الا انك مو متأكده منه وانا اخواتي ثنتين تزوجوا والى الان وهم يقولون مو مصدقين

<<<<<<<<<<<<<<<<<<<<<<<<<<<<<< <<<<<<<<<<<<<<<<<<<<<<<<<<<<<< <<<

هذا بالنسبه للخوف من الزواج ........................... اللي كل البنات يعانون منه ....

ولكن لما يصير الخوف بعد من وظيفه او دراس يعني شيء انتي عارفه انك بتجنيين شي كويس

هنا نستغرب ان الخوف يتلاشى او بالاصح نقول اهم شي خبره او شهاده يعني هنا تغلبنا على

الخوف فانتي حطي شي براسك وقولي انا لازم اسوي كذا واسوي هذا وخليك عند كلمتك

والا اذا تراجعتي مره فانتي بتصيرين دايم في تراجع ......................

وشكرا واتمنى اني افدتك <<<<<<<ما اتوقع

وتحياتي

مشكور اخوي الذيب السنافي
ومشكوره اختي شموخ الصراحه كلام جدا حلو وانشاالله ياثر فيني ويستمر مو لوقت ويروح

وياشموخ حبيبتي انا مو من هالناحيه بس من جميع جوانب حياتي تسلمين ياعمري وفعلا بلاش تاخير اكثر من كذا لان مو سنه اكثر من سنتين

[الريم]

الخوف والقلق من المستقبل شي طبيعي

لكن انا اشوف دارين بمشكلتك انتي انتي مو خايفة وبس

انتي شكلك مو مرتااحة لخطيبك ...صح؟

ودي انك تصلين صلاة الاستخارة قبل تنامين لمدة 6 _ايام وشوفي وش تحسين فيه اول ما تصحين من النوم

وربي يوفقك ويسعد قلبك ويكتبلك الخييره بخطيبك ويهنييكم يا ربي

[أم ريما]

غاليتي دارين

شوفي الخوف شيء طبيعي انا قبل لأتزوج كنت مررره خايفه ومتضايقه ما ادري هالزواج بينجح ولا لا !! كنتت مره افكر حتى جاني صداع واوهام واشياء كثيره قبل ما اتزوج عانيت كثير لأني كنت خايفه من المستقبل وما ادري وش يصير لي ............

لكن كذا مره صليت صلاه الأستخاره وتوكلت على الله والحمدلله زواجي كان ناجح والله له الفضل علينا له الف حمد وشكر ...

انا اقول صلي صلاه الأستخاره كثير وبعدين لو فيه شيء محيرك ومضايقك في هذا الشخص حاوليني تكونين صريحه مع نفسك اذا فيه شي انتي مو مرتاحه منه حاولي تبحثين في الموضوع اللي مضايقك او محيرك وتصارحين نفسك هل انتي قابله به 100% وتقدرين تعيشين معاه ولا لا؟

والله يسهل علييييييك ويوفقك في زواجك ان شاء الله

تسلموون على الردود بس انتوا ما فهمتوا القصد زين انا مو بس في موضوع الزواج بكل المواضيع الي تمر بحياتي بس انا مقتنعه بخطيبي مليوووووووون بالميه وهو شخص اتوقع كل بنت تتمناه بس في كل امور حياتي لدرجة اني احيانا الخوف يسيطر علي ما اطلع من البيت اخاااااف من شي بس ما ادري وصليت صلاة الاستخاره والحمد لله بس طمنتيني يا ام فيصل مشكوره وشكر لكل الي ردوا ويعطيكم الف عافيه....

[المورد]

مشكور
على ما افدتنا به
تحياتي

[البتار]

بارك الله فيك
على ما تقوم به
احترامي

[الهامس]

بارك الله فيك
كتبت فقرأت فاستفدنا
تحياتي واحترامي