يقولون لي وش ديرتك قلت فوق طويق

[الطائر المهاجر]

يقولون لي وش ديرتك قلت فوق طويق = بنجد العذيّه نجمةٍ تهدي الساري
لها في جبين الدهر بصمه من التوثيق = بمجد انكتب في صفحته غصب واجباري
والى من طلب مني اسمها قلت بالتدقيق= تراها الحرّيق منبع رجالٍ احراري
فتاريخها المشهود ما احتاج للتلفيق = حروفه ذهب مطبوعه بكل الاثاري
سلوم الشهامه والكرم لونها تعتيق = وفي العمق نبع المرجله يسقي الجاري
بها رجال هم ربعي وعضدي بلا تفريق = فكلٍ مثل درعي على هول الاقداري
وانا سيفها البتّار وقت الرخاء والضيق = فهي من عطتني المرجله رمز وشعاري
تبينا نصون العهد والوعد بالتصديق = على حبها بالفعل في عزم واصراري
تبي مجدها السالف بغصن الزمن توريق= بدرب المعزه ترتكي ورد واصداري
وتنتج شياهينٍ لهم في الفخر تسبيق=ولا يرتضوا بالقاع او تحت الاشجاري
رجالٍ عن اللي فات من سالف التضييق = ترفّع بعقل ولو شكت ضيمة الجاري
وتبني عرينٍ ساسه الحب والتشويق = يسود القلوب الظاميه طول الاعماري
ترانا جسد واحد اذا نشْف منّه الريق = تداعت له الاطراف في سقم وامراري
فتكفون يا ربعي ترى داركم في ضيق = فردوا جمايلها ولو عشر معشاري
نشوف المزارع والمباني لها تطويق = ونشوف المدارس والمعاهد للاطياري
تعود الصقور لدارها من بعد تحليق= وتبني قصور تفرح قلوب الاخياري

[صعبة المنال]

جزلة وقوية

سلمت

وصح لساااانك

[نفحات حساسة]

صح الله لسانك يالجزل
ولالالالالاهنت وصح الله لسانك مليون..تحياتى

[بنت العز]

صح لسانك وعلا شانك شاعرنا
تسلم لاهنت
شكرررررررررررررررررا

[عمر ال شيبي]

يا زين الديره وهلها

صح لسانك لا هنت ابد

[عبير الورد]

صح لسااااانك ملايين
سلمت وسلم منطوقك الجزل
ربي يعطيك العافية

[الطامي]

الطائر
صح الاسنك
رائعة لافض فوك اخي
ونعم بها ديرة واهل لها
شكرا لك

[حي الضمير]

ابدعت ياعلم
وصح لسانك يابوعبدالله