من ارشيفي (الردي ماني بحاله )

[مشعل التريباني]

بسم الله الرحمن الرحيم
الشاعر\ مشعل عسام التريباني الشمري

((الردي ماني بحاله ولابيله غلا))


يكفي اني غالين عند كـــــــــل الطيبين (1) والردي ماني بحالــــــــه ولابيله غلا

عن غلا الرديان حنا ترانـــــــا مغتنين (2) مايشّرفنــــــــي غلاهم ولافيهـــم حلا

الردي ماني عشيره ولاهو لي عويـــن (3) عايفه مابــــي شرابه ولابيلـــــــه كلا

مانرافق كود حرن عشير الغانميـــــــن (4) ابلجن يزود فعله علــــى كل المــــلا

ساطين وقت الملازيم حلحيلن فطيـــــن (5) كامل الاوصاف راع اليمين الاخطلا

كاسبن كل الجزيلات ذبّاح السميــــــــن (6) هو عشيري وافتخربه وله منّـــي ولا

والردي خله يولــــــي وراع النيتيـــــــن (7) عشرت الرديان كله غرابيــل وبــــلا

لايغرك يوم يضحك تر الخايب ذهيـــــن (8) الحصيني بالذهانه على غيــره عــلا

يالله اني طالبــــــــك ياْلهي يامعيـــــــــن (9) يا الهن فوق سبع السموات اعتــــــلا

ترفع الطيّب وتقطع جذور الخايبيــــــــن (10) لاتكثرّهم على القاع يارب انــــزلا

والله اللي كوّن الخلق من ماءٍ مهيــــــــن (11) ماكرهت من الاوادم مثل من يبخلا

والكريم اللي فعوله تســــــر الناظريـــــن (12) انطحه من كل قلبي واقدم له هــــلا

ايه احب اهل الصخا كل وقت وكل حين (13) واكره الممسك ولاحط لي معه عملا

كل من يبخل بالاموال مغلول اليديـــــــن (14) اكرهه لوهو للادراج من ماله مــــلا

مثل شحم الكلب يكرم جناب السامعيـــــن (15) حارمن في شرع الاسلام محدن له كلا

[ساهر الليل]

يا سلام عليك يا مشعل

كلام ينعد وينقااال يا شاعر

صح لسانك وفكرك ياجزل

رائعه انت راعيهااااااااا

تقبل مروري وتقديري

[مشعل التريباني]

ساهر الليل
مرورك شرف لي الله لايهينك شكرا لك

[الطائر المهاجر]

صح لسانك يالقرم
جزل ومتمكن
لاهنت
تحياتي وودي

[منيع]

جزل ومبدع
لاهنت اخي الكريم
تحياتي

[مشعل التريباني]

الطائر المهاجر
منيع
شكرالكم على المرور الله لايهينطكم جميعا

[داعي الشوق]

وافيه يا مشعل

في الوصف و المعنى

و انت وافي و صح لسانك و طاب حالك

و الله يكثر الطيبين مثلك و شرواك

ولاهنت يا مميز

و دمت بخير

[حرف وشعر]

قديمك جديد يابو سعد طال عمرك نص بديع من شاعر كبير

[سعيد عوده الحويطي]

صح لسانك مشعل التريباني والله انك ابدعت في وصف الردي شاعر راقي ومتميز تقبل مروري واحترامي

[مشعل التريباني]

داعي الشوق
حرف وشعر
سعيدعوده الحويطي
شكرالكم جميعا على المرور الله لايهينكم جميعا
الاخ حرف وشعر يقول يابو سعد (انا ولدي عبدالرحمن) للمعلوميه فقط