انا تحت المجهر

[الطائر المهاجر]

شوفوا خربطه ما ابي ، كل مره نتطلب واحد ، تكفى تعال نستضيفك في تحت الأضواء
هالحين مالأحد عذر ، اللي وده يصير تحت المجهر يتفضل هنا ويحط لنا مقدمه عن نفسه
ويجيب على الأسئلة التاليه:
وش انت من لحيه
الطوله والوزن وكم العمر
وش اكلاتك المفضله
وش هواياتك بلوت/ كوره/ سباحه/ شطرنج/كيرم ...الخ
يعرف تصلح سباكة بيتكم او كهربه اذا خرب
تعرف تبني و تبلط و تليس
تعرف تصلح لك طاوله او كرسي او دولاب
تعرف يخيط ثيابه اذا انشقت
تعرف تطبخ وما نوع طبخاتك
تعرف تغسل ثيابك وتكويها
تعرف تغير الكفر اذا بنشرت سيارتك
وهل تعرف تصلحها لو وقفت
تعرف تسوق السيكل او الدباب
تعرف تركب الحمار او البعير او الحصان
هل سبق لك ان حلبت العنز او الشاة او البقره او الناقه
وين تقضي معظم وقتك
كم مره تضاربت مع الغير وكم مره تم توقيفك او سجنك
صف طفولتك وش انت من بزر
هل كنت ترضع حليب امك او نيدو
وش اقدم شي تتذكره وانت بزر وكم كان عمرك
كم مره رسبت في الدراسه
وين سافرت ، حدد دول العالم
اذا متزوج كم مره في اليوم او الأسبوع تهاوش مع زوجتك
اللغات التي تتحدث بها
جدك الأول من وين جاي من الهند او الصومال او روسيا
وهكذا من الأسئله الدقاقه

بإنتظار الضيف الجديد يشرف
والبدايه رايح تكون مع النواب والنائبات
وضيفنا هو .....
واحد منكم يجي قبل ما احط اسمه ، ايه انت ، عارف نفسك
تعال لاتستحي

[داعي الشوق]

هههههههههههههههههههههههههه

بس كذا بتروح المواضيع كلها استضافات كلن بإسمه

[الطائر المهاجر]

ضيفنا الجديد وقد تفضل بالقدوم وهو داعي الشوق ، صفقوا له
تفضل حط لك مقدمه واجب على الأسئله

[الطامي]

هههههههههههههههههههه
دانها كذا انا اللي في المقدمه
خخخخخخخخخخخخ
الله يرج شيطانكم فطاحله
شكرا لك جدوووووووووووو

[حوريه]

وشهو من لحيه .. يعني البنات ممنوع يصيرون تحت المجهر
بس نتفرج ونضحك
الله يعين الضيف بيجلس شهر ما خلص محطه الطائر بالأسئله أهم شيء كم حلب العنز من مره وجدك من وين
باقي كم طحت من مره خخخخخ
شكرا طائرنا بنسـتر هنا ااا

لابصراحة تحت المجهر من جد ، سيره في العصر الجاهلي ، نبي يجيب لنا الجوانب المشرقه من حياته الآن
وش نبي بطفولته احنا رضع ولا حلب ناقة ولا نجح أورسب ، نبي سيره راقيه تلقي به وبشخصيته ، وإذا كان شاعر يتحدث لنا عن شعره ويستشهد بأبيات من شعره وهل له جماهيره ،

..هذا من وجهة نظري ..


" تقبل تحياتي "

[الطائر المهاجر]

بعث لي العضو الذي رفض الإفصاح عن اسمه وقال يكفي تقول العضو ابو سعبوله ، بهذه الإجابات:

وش انت من لحيه ؟ رجال اعجبك
الطوله والوزن وكم العمر ؟ توي شباب وطولي حول وزني
وش اكلاتك المفضله؟ المطازيز بالقرع
وش هواياتك بلوت ؟ نعم / كوره؟ نعم راس حربه/ سباحه؟ نعم تحت الدش/ شطرنج؟ ما اعرفه ، هو يوكل/كيرم؟ ؟ الله يسامحك هذي لعبة بنات
يعرف تصلح سباكة بيتكم او كهربه اذا خرب؟ ما يعتاز اعجبك
تعرف تبني و تبلط و تليس؟ ما يعتاز الله من جدار بنيته وطاح
تعرف تصلح لك طاوله او كرسي او دولاب؟ ؟ انا ولد حموله تبيني اصير نجار
تعرف يخيط ثيابك اذا انشقت؟ اجل وشوله الحريم
تعرف تطبخ وما نوع طبخاتك؟ ما بقى إلا هي وانا متجوز مقعده
تعرف تغسل ثيابك وتكويها؟ اقول تراك طولتها قلت لك اني رجال
تعرف تغير الكفر اذا بنشرت سيارتك؟ شايفني حضرمي او بنقالي ،
وهل تعرف تصلحها لو وقفت ، وشو له الورش
تعرف تسوق السيكل او الدباب ؟ ايه هذي من اول يومي صغير هالحين سيارتي جقوار
تعرف تركب الحمار او البعير او الحصان؟ اذكر مره ركبت حمار ومسط بي
هل سبق لك ان حلبت العنز او الشاة او البقره او الناقه؟ ياخوي اسئلتك هذي بايخه وش دخلني في شغل الحريم
وين تقضي معظم وقتك؟ مع الربع نلعب بلوت او ادوج في المنتديات الشعريه
كم مره تضاربت مع الغير وكم مره تم توقيفك او سجنك؟ راسي كله فلاق من كثر ما تطاقيت مع البزران ، وآخر مره كانت مع بنقالي باعني فول ولقيت فيه صرصور
صف طفولتك وش انت من بزر؟ بزر وش حليله
هل كنت ترضع حليب امك او نيدو؟ كانت جدتي تجيب لي حليب عنزها
وش اقدم شي تتذكره وانت بزر وكم كان عمرك؟ اتذكر يوم امي تالدني
كم مره رسبت في الدراسه؟ ما عمري نجحت إلا بتدبيله السنه ب 3
وين سافرت ، حدد دول العالم ؟ لفيت كل العالم المتحضر مثل مصر وتايلند واندونيسا والمغرب
اذا متزوج كم مره في اليوم او الأسبوع تهاوش مع زوجتك؟ هي دايم تهاوشني وازعل واطلع من البيت
اللغات التي تتحدث بها؟ المصريه والمغربيه ولكتين اندونيسي ومثلها تايلندي
جدك الأول من وين جاي من الهند او الصومال او روسيا؟ الظاهر انه جاي من اليابان لأني احب تخريب الروادو والتلفزيونات

[بنت العز]

هههههههههههههههههههههههههه

ابوسعبوله

مهوب الطائر المهاجر ابد

يعطيك العافيه

[الطائر المهاجر]

المشاركة الأصلية كتبت بواسطة زهرة الياسمين

لابصراحة تحت المجهر من جد ، سيره في العصر الجاهلي ، نبي يجيب لنا الجوانب المشرقه من حياته الآن
وش نبي بطفولته احنا رضع ولا حلب ناقة ولا نجح أورسب ، نبي سيره راقيه تلقي به وبشخصيته ، وإذا كان شاعر يتحدث لنا عن شعره ويستشهد بأبيات من شعره وهل له جماهيره ،

..هذا من وجهة نظري ..


" تقبل تحياتي "

هنا في وسع صدرك لابد من المرح
فالموضوع ليس في قسم تحت المجهر
شكرا لك

[داعي الشوق]

ههههههههههههههههه اما سعبوله وتحت المجهر