يا ونتي ونة بعيرٍ تدربى

[الطائر المهاجر]

يا ونتي ونة بعيرٍ تدربى = دزته ناقه عن دلع ما تخليه
تبي يغازلها وهو قال جربا= ماعاد له ف النوق ماكان يبغيه
هرشٍ يجر خطاه في كل دربا= وكل الضعن خلاه محدٍ درى فيه
يون تال الليل والدمع سربا = محد مسح دمعه ولا من يواسيه
يخاف من بنقال يشبعه ضربا= يبيه يركض ما درى وش يعانيه
عليك ياصحنٍ انا وانت قربا= انحشت عني ماتبي البطن تمليه
خذتك من الفوال من بعد حربا= باربع ريال وناوي الفول يغليه
يقول حتى الأكل من بعد شربا= سعره تضاعف وانت بالرخص تشريه
ومن بعد ماكلتك تعنيت كربا= حرقت كبدي والبطن علته فيه

[زهرة اللوتس]

صح لسانك
فكاهيه جميله
لاهنت
تحياتي

[عبدالله الشويمان]

قبلك الحطيئه هجا نفسه وامه وابيه..
أرى لي وجها قبح الله شكله=فقبح من وجه وقبح حامله
صح السانك يا ابو عبدالله

ابيات رائعه

[كظيم]

ابو عبدالله
صح لسانك وفكرك
تصوير ومعاني طيبه
والله يكون بالعون
سلمت ولاهنت
ينطيك العافيــه

[الطامي]

الطائر
صح السانك
رائعة
لاهنت

[حوريه]

جميله .. صح لسانك ولاهنت

[عبير الورد]

صح لساااااانك ابو عبدالله

رائعه بروعة روحك الطيبة


يعطيك العافية

[هترل]

علته فيه ههههههه
صح لسانك يادكتور
مبدع بكل حالاتك

تحياتي لشخصك

[عصام عبد الحميد]

صح لسانك
ودام ابداعك
تقبل اطيب تحياتي

[ساهر الليل]

ايه معلوووم ياعود

صح لسانك ياراعي الفووول

قصيده جميله ورائعه انت راعيها

تقبل تحياااتي وتقديري