.-.-.-.(مرت سنة والحب توه جديدي).-.-.-.

[جلال ابراهيم الصبيح]

السلام عليكم ورحمة الله وبركاته

.
.
.
.

مرت سنة والحب توه جديدي = والشوق دايم في ثبات و زياده
وانتي وانا عن دربنا ما نحيدي = درب المحبة والأمل والسعادة
عامٍ مضى والعشق فينا يزيدي = بحرٍ من الأشواق وانتي مداده
غطي عيونك واسرحي للبعيدي = وهاتي يدينك واتبعيني بركاده
أبغى أعبر عن غرامي الشديدي= واحويك واضمك بليا إراده
الليلة ياعمري أعيد و أزيدي= ابكلمةٍ فيها معاني و إفادة
كلمة أحبك يا هيامي الوحيدي= يا شمعتي يا نبض قلبي وزاده
قلتي أحبك...قلت راضي وسعيدي = حبك سلب مني زمام القيادة
انتي الحلا وانتي الجمال الفريدي = وانتي ذهب والماس واحلى قلاده
لجلك كتبت الشعر واحلى القصيدي =انتي بحور الشعر وانتي عماده
ماني رومنسي بس بحبك عنيدي = والشاعر الولهان يعشق عناده
ومرت سنة..والحب توه جديدي= وكل عام وانتي بالف خير و سعاده

[زهرة اللوتس]

حجز
ولي عوده

[عمر ال شيبي]

وانتي وانا عن دربنا مـا نحيـدي

درب المحبـة والأمـل والسعـادة

الله هالله

يا عاشق

والله يتمم الوضع على خير

صح لسانك لا هنت

ودامك الله عاشق ورومنسي

[عبدالعزيز العمار]

شاعرنا بائع الورد

صح منطوقك وكلك ...

قصيدة جميله وعذبه ...

تحياتي وتقديري

[اسير البدر]

الله الله اللله ياااورد قصيده جميله كجمال رووووحك صح لساااانك اسعدتني من جد من جد

فيه خطأ املائي في البيت ماقبل قبل الاخير لجلك كتبت مكتوبه لجلك كتب فقط وصح لسااانك

[الطائر المهاجر]

سلمت
وصح لسانك وقلبك
جزلة وجميلة وطيبة من راس طيب
لاهنت
تحياتي

[عبدالله مذكر العقيلي]

صح لسانك

وعلا شانك


تحيتي

[عبدالعزيز البليهد]

كل العمر ان شاء الله ربي يسعدك

صح لسانك ولاهنت

[علي سعود العازمي]

صح السانك اخي جلال لاهنت

لك خالص ودي

[النهج المختلف]

صح السانك بائع الورد ، ،

قصيدة عذبة وتفوح منها رائحة وردك الجميل ، ،

لاهنت يالجزل ولا هان راسك وفكرك ، ،

تحياتي وتقديري ، ،