يــا حروفــي سطري لـش.. ( ليس لكم فقط)

[رفيعة الشان]

السلام عليكم ورحمة الله

مساكم - صبحكم الله بالخير

بصراحة ..ياحروفي سطري لش << هذي بداية القصيدة

لكن (ليس لكم فقط) << هذي داخلة شيـــز :d وأقول فيها ان الشعر ليش للرجال فقط ,, وشدخلها فالموضوع مادري بس جات وهي مالها دخل في موضوع القصيدة بعد ,, أما القصيدة فتكرموا ولا تهونون بقرائتها...,,,

يا حروفي سطري لش من حلا الابيات بيت=والحقي به بيتٍ آخر لين تكمل لي قصيده
يا حـروفـي الله الله فـالـنـظـام والاتـيـكـيـت=فـيـه ناسٍ فاهـمه وتحـلل البـيـت وتعيده
ويا حـروفـي لا تـخـذلـينـي تـرانـي مابـغيـت=آتجـرا وانـشـر الشـعـر اللـي انا له مجـيده
ويا هجوسي ساعديها وافزعي لامن دعيت=واضبطي معها النظام وخططي خطه سديده
واصـلي في فكرش الطاغي الى قمة حفيت=واسـتـقـري فـيـه او زيـدي بـأفـكـارٍ جـديده
ويا حـروفـي بشـريني هـل فـهمـتي ماعنيت=بشـرينـي هل فطـنـتي ماقـصـدت ومـا أريده
كان علمش لا لفـيتـي زايـدٍ بـخـت البخيت=وكـان عـلـمـش لا تـعـالـمتي يجيني بالفريده
يا سـعادة خـاطـري تيـك الدقـيـقـه ليت ليت=كل وقـتـي فرحـتـه نفـس المـشاعر يا عنيده
وان عـرفتي تنـظميـن وتـنـقلي لي ما حويت=من مـشـاعر من معـاني من تفـاكيرٍ بعيده
فالش الناموس مع صيت مامثـلـه أي صيت=عـقـب اجـر الله وتـوفيقه مـع أيـامٍ سعيده

وسلامتكم

[سعود القت]

صح لسانك ابيات منظمه بفكر شاعري متمكن
مع خالص التحايا

[سناعيس]

الفاضله رفيعة الشان
صح لسانك
كلمات معبره وجميله
لاهنتي وبانتظار الابداع القادم
تحياتي

[الخنساء]

صح لسانك اختى الشاعر ه رفيعة الشان

لاهان راسك قصيدة رائعة

سلمتى وسلم شعرك

دمتى بخير

[عيد بن سعدون]

يعطيك العافيه

وصح لسانك


عيد بن سعدون

[الطامي]

ويا هجوسي ساعديها وافزعي لامن دعيت *** واضبطي معها النظام وخططي خطه سديده

واصـلي في فكرش الطاغي الى قمة حفيت *** واسـتـقـري فـيـه او زيـدي بـأفـكـارٍ جـديده

ويا حـروفـي بشـريني هـل فـهمـتي ماعنيت *** بشـرينـي هل فطـنـتي ماقـصـدت ومـا أريده
رفيعة الشان
صح السانش
رائعة ومعبرة وطيبه
لاهنتي وشكرا لكي

[حوريه]

بوح رائع من شاعره رائعه
لاهنت ولاهان مغليك
صح لسانك مليون
ويعطيك العافيه

[الأموره]

رفيعه الشان

صح لسانك ملايين


سلمتي و سلم فكرك

الف شكر لك

دمتي برعاية الخالق

[ام العمده]

رفيعة الشان

صح لسانك واعتلى شانك
لاهان راسك
مبدعه كالعاده
وكل عام وانتي بخير

[رفيعة الشان]

صح الله لسانك اخي سعود

تشرفت بمرورك