سُوَر بيت

[سمّار]

‏

مكتوب في سُوَر بيتٍ هاجر أصحابه =ذبحني الشوق والمشكى على ربي
البيت ....بيت العزاز ولكن ..احبابه=خلوه للحزن ..يسكن فيه ويعبّي
درايشه !.عين شايب .ذبلت اهدابه=والدمع...في وجنته..له وسم ما غِبّي
اسمع صريخ الحنين.....برقلة ابوابه=ورياح الأشواق ..تعصف فيه وتهبي
طاح الرطب من نخيله ....قبل رطّابه=والدلو...ما عاد يلحق ...موية الجبّي
وأغبن روحي على ......روعته واطيابه=وياصرم حالي على من فيه رحبْ بي
أهلّ دمعي... على اللي عقبهم صابه =ويلوع قلبي الحزن.....والكبد ينشبّي
وأقول هالبيت صدري ...ومعلن غيابه=احبابه ...اللي اتركوه وهو لهم صبّي
من عقب خلوا السعاده ..تملي رحابه =صار الحزن سَيِّدِه.....والوهم متنبّي
ومن عاش عالوهم ميّت لو ضحك نابه=والحزن ....يظهر على راعيه لو خبّي
وانا ذبحني ......فراقٍ عدت باسبابه=اشكي وجوعٌ بصدري ..مالها طبّي
صُوّبت به..من هنوفٌ ..مالها مشابه=من امسّ...واليوم ..وبكره...مالكه لبّي
عيونها.......الكوكب الدريّ بمسرابه=وكفٌ سحابه.. .وحنّا نقشه اخضبّي
لكنّ من خاطره....قد عاف واقفى به=وشلون يرجع......وقلبه عايف الحبي
خلاص .....ما عاد فيها عدّ وحسابه=تبّت ..أيادي الرجا في وصلها ..تبّي

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[منيع]

صور رائعه وابداع مميز
تسلم عزيزي سمّار
تحياتي لكم

[عطر الروح]

البيـت ....بيـت العـزاز ولـكـن ..احبـابـه
خـلـوه للـحـزن ..يسـكـن فـيـه ويـعـبّـي
ما أجمل البوح وجدت نفسي في هذا البيت
صح كلك شاعر الإبداع
لقلبك المرهف🌹🌹

[بنت النور]

صح لسانك مدد بلا عدد
لاهنتِ
تقديري واحترامي لسموك

[الطامي]

صح السانك سمار
رائعة جدا
ولاهنت

[داعي الشوق]

صح لسانك وطاب حالك يامبدع

قصيدة موجعة ياسمار

الله يازمن

ابدعت وعوايدك ياشاعر وصح لسانك مدد

[ساهر الليل]

صح لسانك سمار
ابدعت وامتعت ياشاعر
حرف جميل وبوح راقي

تقبل تحياتي

[جهاد الشعلان]

صح لسانك

أسلوب متفرد وجميل

تقبل مروري

تحياتي،،،