الشاعر طوفان حياك

[هترل]

السلام عليكم ورحمه الله وبركاته


الحقيقه اخوي عبدالله ارسل لي طلب محاوره عبر صندوق الرسايل
وحاولت ارد عليه واعتذر منه يعفيني لكن للاسف صندوق الرسايل الخاص فيه مقفل
وارسل لي طلب ثاني ونفس الوضع صندوق الرسايل مغلق .. ناوي يوهقني ؟
والشاعر عبدالله المسعود هرم بالنسبه لي فا رجو المعذره اذا وجد قصور



سلام رديهٍ بالمسك والعود
طيبتها قبل اوجهها لطوفاني

الشاعر اللي زهمني قلت انا موجود
نبى نغني معه ونجر الالحاني

[طوفـــان]

توقعت يابعدي إن الوضع مب طبيعي ،بعدين ياخلفهم حنا اللي نتعلم منكم ، لازلنا في بداياتنا ..

يالله ماعلينا ، حياك الله



أقول ..

يامرحبا بك هلا حييت وأهلاً زود=باعداد ماناض برقٍ وسط الامزاني
من رافق أهل الوفا يغنم ويلقى الفود=ومن رافق المبتلش يدعيه بلشاني

[هترل]

الطيب لا من بغيته ياخـــوي والجود ......... تلقاه في ذمتي بربعي وصدقاني
والصاحب اللي يزل ويخلف المعهود ........ تبلش معه ياخــويي دوم وتعاني

[داعي الشوق]

الله الله

و صحة السنتكم كلكم
محاوره طيبه

متابع

ولاهنتوا

[طوفـــان]

آسف ع التأخر يالربع

روح زمان الوفا والبيض صار(ن) سود=واهل النقا روحوا واحد ورى الثاني
هذا زمان الجفا والجور والمجحود=يالله دخيلك من الزلات تحماني

[محمد بن عمار]

عبدالله المسعوووووود
صح لساااااااااانك مليااااراااات
ولايكفون يالقرم وصح لسان
قبيلك ولا هنتوا ...

[الطامي]

صح السنتكم
كملووووووو
لاهنتو

[هترل]

صح لسانك اخوي عبدالله
والمعذره على القصور انت شاعر متمكن وانا لازلت في بداياتي
واشكرك على هذا الموقف التشجيعي

الــعيب ما هو ابزمنا والليالي شهود ............. والخلق ما هم سوا كلٍ وله شاني
روح زمان الصحابه ونهجهم موجود ............ مـاللوفـا يـاصحيبي ناس وأزمـاني

[محمد بن عمار]

أخوي / محمد بن احمد
صح لسانك يالشاعر
وبارك الله فيك يابعدي
لاهنت ولاهان غاليك
مودتي لشموخك العذب

[حوريه]

صحت قلوبكم محاوره جميله
سلمتوا ولاهنتوا