![]() |
رقم المشاركة : 1 | ||
|
الأحدث فوق
الطير=
معي للنار نيران ولو طولتوا المشوار = فخلو الطير في حاله ترى القيفان محميه الطير= دعاويي تدعمها بيوتك وانت بالمضمار= ولا ني مجبرك تهرج حروف القاف متليه فلاح= حسيبك من الله ماتبي فعل الاستغفار =فلا في ضميرك غير فكره تجنيه الطير= انا عود ولكن لو تبي عندي الجذمار= يفك حصار في القيفان في شفرات مخفيه فلاح= انا عارفك عودن مهكع بلا معيار= وعظمك وهن والروح في داخلك نيه الطير= ارد الهجوم بهجمة تحرق الاشجار= مدامك تبي التسليم حريتك مكفيه فلاح= الا ياغراب البين وش فيك باستنفار= تدور على البلشه وتكثر من السيه الطير= تكرر عذر ياكثر ما تدور الاعذار=لأنك ضعيف الحال والفكر معميه فلاح= انا مانويت ارميك لاجلك لاخويه جار = ولكن دون الحلق بارد بايديه الطير= انا ما خبرت اللي معك غير ريش وطار= تهاوي بنفخ الطير ما فيك نديه فلاح= الا ياعويد مامعي منك غير احجار = فخذ من لهيب النار لتصير مصليه البدراني= انا ماتعجل مير شفت البناء ينهار = واشوف البيوت اتطيح واتصير مغشيه الطير= توقف ونا ماشي انتفك مهما صار= فلا في الحرب وقفه بروح انهزاميه الكاشف= لاكن انا لي ردة بعد هالمعذار = ابا اقولها والا اخشش خوافيه فلاح= تراه افحج الرجلين يمشي ومعه احمار= وعينه طفت فوق الخدود انتبه هيه الكاشف= بعد بيت البدراني اوقف وانا محتار = وحسبي عليك العود ماشين مساويه الطير= طيور البحر جتني وكل معه منقار= ولكن منقاري خطفها برديه الشويمان= محمد على هونك ترى ربعك الشعار=يمونون بالملعب معا بعض حريه البدراني= وانا اتابع الموضوع والوضع بارد حار = علام الهجوم يصير بحاله دافعيه فلاح= ترى العود وقت الجد ياصاحبي خوار= خشيمه طويل ومعه عينين بنيه الكاشف= نزلنا ونعوضها بترحيبتين اكبار = على اللي حضر معنا وسلام مع تحيه الطير= ونا ارجعك لايران في قارب البحار=تزور الخميني في القبر تمشي بغيه الكاشف= نربطك ونخليك تصلى على هالنار = نسويك مقلاية دجاج ببريه البدراني= تصير الكبار اصغار دوم بعيون اكبار = وتكبر صغايرها بعيون الشقاويه الطير= انا ظنيتك العاقل واشوفك خبل دون دثار= تبي لك قراية شيخ يدري الهواويه فلاح= ترى العود ماعنده لراعي الوفاء مسبار=ولا ياكل الا الضب واشجار فطريه الكاشف= نخليك تصيح وتلحق بني تميم ثار = وتقول العرب صوب وذولاك مريه فلاح= الا يامهاجر وش بلا موترك ماسار= في الورشه متعطل وروحك شقاويه الكاشف= تبينا نعاود كيتك من صلو مجمار = تراني بها جاهز وفي الراس جمريه الطير= تبي لك على علباك محماس او جذمار= يعيد التوازن فيك تمشي على الفيه الكاشف= عليك الله اكبر كل مادايرن دار = نوينا نقصك لين نذبحك موليه فلاح= اعرفه مراوغ ياتمسك بذيل الفار= يصيد الغراب ويحسبه صقر بالفيه الكاشف= هذا ابو بدر جاهز ويفك عنك الاحصار = توسط اذا تبغي مانسويك هبريه الطير= جنوبيتك غصن لين في يدك ينهار= اذا جاك ضرب الطير ما تقدر الهيه الكاشف= تخوف بشكلك كنك حافر القبار = طلع له من اوسط المقبر بجنيه الشويمان= يقولون يا الكاشف ويرجون بالاسحار=عسى الله يزين الحال ويزين النيه الكاشف= حشمتك لاكنك من عند الحشيمه مار = تصبر علي قبل القفك بالجنوبيه الطير= انا اشري الرجال ما اخفض الاسعار= ولا لي ببغث الطير من كل جاويه الكاشف= ترى الحود يافلاح في النهار الحار = خطيرن عليه ايصيح ويقول يابيَه فلاح= بسوق النخاسه ياتعامل مع الفجار = ولاجيت له بالبيت قال ازهموا الهيه الطير= اظنك تبي الكيه على ذيلك بمنشار= فتركد لاني عارفك ولد تكرونيه فلاح= ترى العود متعود على لعبة التجار= يبيعك مقابل مال ويقول ذي ديه الكاشف= ياعبدالله الشويمان قل لي عن اللي صار = وش اللي حصل عنده هاك الليل بالهيه الطير= حصاني تحسب الذيب خايف من الاطيار= واذا منه هجم تنحاش من خلف مطويه الكاشف= الا من هرجت اشوف هرجك يجي باحدار = علمك تركد قبل لاجيك بالكيه فلاح= اشوف المهاجر صار له قرن استشعار= يهايط على العربان لابس قديميه الطير= بليد وعذره مسح سبورة بجدار= فلا هو كفو رد الرماح الهجوميه الكاشف= ترى العود قام ايخور يوم انه احتار = تحوله اسباع كلها تبغي الحيه فلاح= اذا الله بلاني لاتقل ياخوي وش صار= اباصبر على الصاحب ولو راح سوريه الكاشف= لك الله يارعي الجبل يابن منشار = مصامد مع الطاير وش ذا البتوعيه الطير= كشف ذيله الكاشف يحسبه لعب بقمار= وهو خاسر مابين روحات او جيه فلاح= انا ياعويد اقدر السن يامغوار = ولولا الحياء لاجعلك ياعود مطويه الكاشف= اشوف الطيور اتحوم واقول ياستار = واثر ماسح الريضان يبقي يتبع هقاويه الطير= واذا شفت لك بلبل يغني على الاشجار= تمعن تلاقي غراب والذيل مخفيه الكاشف= دخلنا معاكم ياموالين ياشطار = عسانا من اهل الفوز لاحل طاريه الطير= مدام الهرج ببلاش غني على القيثار= وإذا جد وقت الجد تحتاج ماويه فلاح= انا مانتهى دوري وماشي في المشوار= وروحي على شوف المولين مبليه الطير= رماحك قديمه اعتلاها الصدا وغبار= فدور على سيوف الطيور النداويه فلاح= نعرف المحاجي باللقاء نفهم الاسرار= ولامن رمينا خسْر كل المعاديه الطير= لأن انتهى دورك وبوشت في المضمار= تبي اشتراك انتهت منك بطاريه فلاح= خذينا من الدنيا الذي نشتهيه امرار = وتبنا لوجه الله جمعا وفرديه الطير= تبي قنص يالمقنوص في قارب البحار= فلا لك برد الطير مافيك نديه فلاح= نحب القنّص لكن صيد الفلاء فرار= ولايفهم المقصود غير الهواويه الطير= ونا ادري قلبك الابيض ولا يبي انوار= ولكن انا جايز عن علوم قعديه فلاح= انا خابرك تردح ليامن سمعت الطار = ولا فيك حقد وعارفك صافي النيه الطير= انا اثأر من اللي واهجه يصطلي بالنار= يعبده اناس وناس تدري خوافيه فلاح= انا ماخبرت الناس تحقد وتنوي الثار= سوى مع نفوسن بالخفايا يهوديه الطير= نجوميه ورى المنشار اقسى من الصبار=فخل الحكي وارطن سواليف هنديه فلاح= هلا يالمهاجر ماعرفنا معك من شار= وانا خابرك تسعى لكسب النجوميه الطير= عليكم سلام الله ياصعبه وبن منشار= ترى الطير نايم بعد غزوه هجوميه |
||
![]() |
![]() |
رقم المشاركة : 2 | ||
|
|
||
![]() |
![]() |
رقم المشاركة : 3 | ||
|
الطاير |
||
![]() |
![]() |
رقم المشاركة : 4 | ||
|
صح لسان الجميع |
||
![]() |
![]() |
رقم المشاركة : 5 | ||
|
|
||
![]() |
![]() |
رقم المشاركة : 6 | ||
|
الطائر المهاجر |
||
![]() |
![]() |
رقم المشاركة : 7 | ||
|
بارك الله فيك |
||
![]() |
![]() |
رقم المشاركة : 8 | ||
|
شكرا لك |
||
![]() |
![]() |
رقم المشاركة : 9 | ||
|
بارك الله فيك |
||
![]() |
![]() |
رقم المشاركة : 10 | ||
|
بارك الله فيك |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
المحاورة اسسها ومتى يشيب القاف فيها | الطائر المهاجر | ساحة المحاورات | 38 | 26-11-2011 04:13 PM |
عشاق المحاورة انقل اليكم هذه المحاورة | صنداح الزلامى | محاورات خارجيه | 15 | 16-12-2010 06:50 AM |
تعليمات المحاورة | الطائر المهاجر | ساحة المحاورات | 26 | 06-03-2009 12:53 AM |