غزلية جميلة ،،،،

[داعي الشوق]

قصيدة غزلية للشاعر/ بن بديع الشهرانى كتبت في صالة الانتظار في المطار ،،:

يابـدر لـو ان حجزنـا مكديـنـه = مامر ساعه في انتظـار وحـراوي
ياشين حالي في انتظـارك ياشينـه = هقيـت لكـن ضيعتنـي الهقـاوي
قلبي انطوى طوية شراع السفينـه = الله ولابعـض الفتـن والـبـلاوي
واللي تركني في إنهيـار وغبينـه = الغـرو راع البنطلـون السمـاوي
يازيـن عينـه يـوم سلهـم بعينـه = مالـه شبيـه الا المهـا والنـداوي
وفي خصره ولونه وطولـه ولينـه = وعنقه وملبوسه وقصر الخطـاوي
فتنة قلوب أهـل القلـوب المتينـه = وسلوة خفوق اللي صفى له إمهاوي
في مشيتـه كـل الثقـه والسكينـه= لكن كيـف السـاق للثقـل قـاوي
يوسف بزينه .. والظبي ذا بزينـه = والحُسـن قِسـم بينهـم بالتسـاوي
العـود راوي والطبايـع رزيـنـه = وبياض خـده ماقوتـه الغطـاوي
متخالطـه فيـه العطـور الثمينـه = من عود كمبودي ومن عود جـاوي
كن القمـر لابـان طلـت جبينـه = اصغيت له وانا إلسانـي إحـلاوي
ودنق يلاعب حاجـة ٍ فـي يدينـه = هو استحى مـارد وانـا سحـاوي
قفـى وعينـي لـه وقلبـي يدينـه = ولا أنتبهـت الا مكانـه خـلاوي
الرقم وينـه . والبلوتـوث وينـه = يابدر حرر كـل ماأملـي شفـاوي
تكفى تحط إرسالتـي فـي يمينـه = يمكن يعودلي . ويرحـم .ويـاوي
يابـدر قلبـي تـاق . والله يعينـه = اشتاق له قلبي . وقلبـي هـواوي
ياليت ربـي حـال بينـي وبينـه = والاانه حقق لي جميـع المنـاوي

،،،،،،،،،،،،،،،،،،،،،،،،،،،،،، ،،،

[زهرة اللوتس]

إختيار رائع لنص قمه فى الإبداع
دمت و سلمت و غنمت

[صعبة المنال]

اختياااار رائع


صعووووب

[ترانيم المطر]

إختيار رائع لنص قمه فى الإبداع
دمت و سلمت و غنمت

[نفحات حساسة]

تسلم اخوى على النص
وصح لسان قايلها

[همس الورد]

اختااااااااار في غاية الروووووعة

يسلموووووووووووا

[نفحات حساسة]

تسلم داعى..
الله يعطيك العافيه..وصح لسان قايلها..

[الطامي]

داعي
صح السان الشاعر
وشكرا لك على النقل والأختيار المميز
لاهنت

[بنت العز]

كان ودي اشوفها بس ماطلعت

[حوريه]

قصيده راائعه.....

من ناقل اروع....

تسلم يمينك ياااداعي

دمتـــ.....

ودااام وجودكـ...

.

.