اللي ابيه يعرف روحه

[يوسف الشقران]

اللي اقصده يعرف روحه لايجي غيره ولاقصورا باحد

راس يابس والله اقوى مابقى باليّد حيله = كل ماقلنا خلاص الوضع ثابت غيّره
ينتهز فرصة غيابي يحسب الدعوا جميله = المشوره واجبه يركبك حق ( البعثره )

[الطائر المهاجر]

ليت خلي يفتهم شغلي ويدري عن سبيله = فالذهب جوا لقيته مندفن تحت غبره
وقمت ازود واشتغل وانت ماعندك دليله= ما دريت اني بشمس وانت ظلك بشجره

[يوسف الشقران]

الذهب لوما تلمع وانصقل مافاد شيله = مسألة ذوق ورتابه يهتويك بمنظره
ناسي ان المسأله شورى ولالك بالطويله = ردها يالعود مثل اول وهذي تذكره

[الطائر المهاجر]

همك المنظر تفكر به ولا فكرت بحمولٍ ثقيله = ليت عني لو تشيل بدربك الميمون لو نصف حجره
مير خابرك تملص مثل زئبق ولا لك بالطويله = فخلني والشغل حقي فما هدمته اعمره

[ابومياس]

الله الله

متابعين

[يوسف الشقران]

كان يرضيك اتهدم بيتك فلا ارضالك فشيله = الاخو امرايه اخوه ليا تكسر يجبره
ياكثر ماحست بالموضوع لاسوّي تميله = اللذي حبك وودك في مشاوره اثمره

[يوسف الشقران]

هلا بابو مياس

عاد يقتنع شايبكم

[الطائر المهاجر]

ما تفيد المشوره غير في اكل البليله = هات فعل اشوفه لو تروح اسمره
رايك اللي حذفني لين عفت النجيله = اشهد انك برايك عود ما اقشره

[يوسف الشقران]

كلن ايعبر ابفعله عن افكار جيله = وانت جيلك مضى بالطيب واستثمره
انت ماطنتي تلقى لرايي بديله = بس ابسكت الين القا الهدف واخبره

[عبدالرحمن الصباح]

الله يعافيهم وترانا امتابعين ابداعكم تحياتي للجميع