ترجع لنا القدس لو كُتب موتنا فيها

[الطامي]

الله علم وش تبقى من الدنيا=جتنا علامتها ونعيش تاليها
حرب الأخوة ظهر والناس تفتنيا=بحب الدراهم وجاهة مال تبغيها
طالت عمارات وقصورٍ بها بنيا=وقرب المسافات واسواقٍ نسويها
الكافر شيطان وبه مُسلم تشيطنيا=ماعمِم الناس ميتها وحييها
البعض يحيى بهالدنيا وهي فنيا=مايحسب حسابها والموت قافيها
عايش حياة البهايم دوم مهتنيا=يسرح ويمرح ولا يدري بخوافيها
والقبله الاولى راحت لقمة هنيا=راحت بجرة قلم واحنا نراعيها
صِدَق حديث النبي وكتابٍ منزليا=ترجع لنا القدس لو كتب موتنا فيها
أخر زمن يابشر يسني بنا سنيا=ودنياَ فلكها يدور وحن ننطحن فيها
يالله بيومٍ على الباغي ولو دنيا=وتِرِجع لنا هيبة المُسلم وتحييها

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[منيع]

جزل ومبدع
شكرا لك
تحياتي

[ضاامية الود]

اخوي الطامي
صح لسانك وقلبك

تحياتي لك

[الطامي]

الطائر
صح بدنك
وشكرا لمرورك وردك
لاهنت

[الطامي]

منيع
صح بدنك بو حمد
اشكر لك تواجدك وتعليقك
لاهنت

[الطامي]

ضامية الود
صح بدنك
وشكرا لك لتواجدك وتعليقك الاجمل
لاهنتي

[بنت النور]

صح لسانك مليون ولا يكفون
لاهنت
تقديري واحترامي لسموك

[داعي الشوق]

صح لسانك ومعناك يابو محمد

ابدعت وعوايدك يامبدع
والله يرحم حال المسلمين

وصح لسانك مدد

[الطامي]

بنت النور
صح بدنك
وشكرا لمروركي
لاهنتي