محاوره بين زوجين.. سيناريو الطائر وشجون

[الطائر المهاجر]

اتفقت مع الشاعره الفاضله شجون على عمل سيناريو شعري بين زوج وزوجته تحاول ان تعالج ما علق بينهما من مشاكل كادت ان تؤدي إلى الطلاق ، وقد يستغرق الأمر عدة فصول
الفصل الأول :
الزوج يدخل البيت ويقول:

كلما اجي للبيت اشعر بالالام = وانتي مثل عنتر بسيفٍ حديدي
يابنت طبعك شان في تال الأيام = دايم شكوك واسئله وش تريدي
الرجل مايقبل على الطول ينضام= مانيب لا هندي ولا ني صعيدي
ان ما تعدلتي ترى الوعد قدام= وشيٍ ربطني فيك اقطعه بيدي

[عذب القوافي]

صح لسانك أبوعبدالله فكره جيده وموضوع يعالج واقع ملموس في حياتنا اليوميه

والشكر موصول للفاضلة شجون

تقديري لكما .......

[الطامي]

شجون نبي الرد جامد والا الا الا الا ؟؟؟؟؟؟؟؟؟؟؟؟؟؟؟؟؟؟؟؟
ههههههههههههههههههههه وسويتوها سالفه يقصيده قصصيه
شكرا لكما

[شجون القصيد]

ههههههههههههه قوووووويه بجرررب بس ان فشلت اترك المجال لغيري

هههههههههه

الله واكبر ياتصاريف الاعواام = طبعك تغير صرت رجلٍ عنيدي
اول تجي باللين واللحين باسقام = تبين اذل اليوم مثل البليدي
والا تبيني جاريه ضمن خدام = او ببغا لا قلت هرجك تعيدي
دايم تهددني وانا اقول قدام = اصبر واظن الصبر لا مايفيدي

[داعي الشوق]

يعطيك العافية يالطائر

وصح لسانك

إسلوب جديد في المحاورة و رائع

يشجع الشعراء والشاعرات

لعمل مشابه له مع اختلاف الموضوع طبعا

سنرى الابداع هنا مع الطائر و شجوون

صح لسانك يا شجوون مقدما

،،،،،،،،،،

[زهرة اللوتس]

فكرة رائعة
يعطيك العافية
ابو عبد الله
وصحت الالسن
متابعين
واصلووو

تحياتي

[صعبة المنال]

الله الله بداية موفقة

صحت السنتكم

صعووووب

[بنت العز]

ههههههههههههههههههههههه
صحت السنتكم جميع لاهنتو
لو اني شاعره طليت عليكم مع الجدار وهاوشتكم باربع ابيات فضحتونا اصواتكم واصله اخر الشارع
هماني جارتكم

[الطائر المهاجر]

منهو تغير ما يراعي للإسلام= كل يوم والثاني تثيري تهديدي
الله هو اللي قال الرجل قوام = وانتي على شوفته بامرٍ سديدي
ماقال تعصينه مثل بعض الاقوام=وان ما مشى بكيفك بديتي الرعيدي
تبين ورعانه يعيشوا كالايتام= لا من ترك بيتك وسافر بعيدي

[عبدالرحمن بن زهير]

مبادره حلوه ياااابوعبدالله ههههههههههه يالله شدوا حيلكم