طرق ظهريه

[عبدالله الدخيل]

سلام ردّيّه شبابيّه=مرسولة ٍ للي لها طربان
والقاف سهْل وْليلنا ما بان=حيّ القصيد اللي لفى حيّه
أبي أجرّب طرْق ظهريّه= في خاطري ألعب على القيفان
واللي لفى في أعذب الألحان=يبْشر بهجْمات ٍ فجائيه

[نجم الإبداع]

ارحب ياعبدالله وصح لسانك

واستلم استلم

يامرحبا بالي لفى هنيه=عداد سيلن يروي الوديان
وعداد من سافر على لبنان=ياشاعرن طابت قوافيه
يامرحبا من صادق النيه=يالي رفع له فالوفا نيشان
عبدالله مايقدر على الشيبان=فالفجر والا بالمسائيه

[عبدالله الدخيل]

البقاااا عمي ، وصح لسانك قبل لساني لا عدمتك

سم

ابك البقا يامن سطع ضيّه=توّ القوافي بدْعها لي زان
شاعر ولكن كان في ما كان=الله يشافي من جته عيّه
اقلط على دلّه يمانيّه= واشرب مع التمره هوى فنجان
القدْر لك يا صاحبي مليان= والجوّ به غيمه رماديّه

[نجم الإبداع]

مالي من افكار العزوبيه=احكم على الرجال بالميزان
وشبك تثنى ياغصين البان=وتعد لك ستين ربيه
قهوتك مره ماتفق ليه= لاجلك مبهرها بحب لبان
والقدر لو يغلي على الصوان=يبرد وله لمسات فنيه

[عبدالله الدخيل]

ههههههههههههههههههههه طيب طيب

خلك على افْكار الحونشيّه= وارفع على خفس العلم لك شان
مالك نصيبن في علا البنيان =الكيف دايم للسنافيّه
وشبك تقزّ اعْيونك بْـنيه= مالك على طرْق الهوى شفقان
كانك ملزّم للهنا ضميان= لا تْفوتك احْبيبه سنافيه

[داعي الشوق]

الله الله

عزالله انه طرق شعار شقرديه

صح لسانك يا بن دخيل

وصح لسانك يا فلاح

و ماشالله عليكم

و معكم متابع و مستمتع

ولاهنتوا

[نجم الإبداع]

ياويلهم مني الخونديه=الي ملابسهم من الكتان
درب الحونشيه لراع الضان=الي يفح وكنه الحيه
القدر لامن فاض به شيه=اللي مخبا للخلايق بان
للي يغني من طروق الجان =ماتنفع علاجات طبيه

[عبدالله الدخيل]

هرْجتك يالمنشار عبريّه= والحرف عالق في ثقيل لْسان
والقلب ذايق نكهة القطران= والسنّ بانت به ملوخيّه
كنت ارْتجي من علمك الفيّه= لكن ظهرلي كنزكم طفران
خاب الرجا يامْهرْقل الكرعان= عانيت والعلّه أساسيّه

[عبدالله الدخيل]

المشاركة الأصلية كتبت بواسطة داعي الشوق

الله الله

عزالله انه طرق شعار شقرديه

صح لسانك يا بن دخيل

وصح لسانك يا فلاح

و ماشالله عليكم

و معكم متابع و مستمتع

ولاهنتوا

ارحب يالغالي وصح بدنك وما عليك زود

لا عدمنا هالحضووور والتشجيع

[نجم الإبداع]

اررحب يابو سعد

حضورك نوماس

لاعدمناك