أمسي على الشعار

[عذب القوافي]

حبيت أمسي على الشعار=وأنثرشعور(ن)من أشجاني
والذنب يمحى بالأستغفار=حديث حققه الالباني

محاولة مبتدي بالمحاوره والعذر والسموحه على القصور للجميع

تقديري .

[الطائر المهاجر]

هلا ومرحبا بك أخي عبدالكريم
المحاورة ليست ملكا لشاعر دون شاعر
وشاعر المحاورة لايجيدها إلا بعد فترة طويلة
من التجارب ، والأغلبية منهم لا ينظم لأنه لايستطيع
ضبط الوزن ، وبالمحاورة اللفظية يغطي على
الثقل وربما الكسر .

يامرحبا بك بكل اصرار = الكل مثلك فلا تعاني
والشعر بحر به البحار = يبحر ولكن بميزاني

[عذب القوافي]

الناس فيها هموم كثار=شالت ديون(ن)من الجاني
والمال روّح مع التجار=والسهم ينزل بعد ثاني

[الطائر المهاجر]

باب الطمع يغري الفقار = فخٍ كبير بالالواني
وفراش يركض لضوء النار= ماحسب حساب الازماني

[عذب القوافي]

بكره بنرحل ولا من دار=واللحد داين وديّاني
أما لجنه وأما النار=وترى العمل خير عنواني

[الطائر المهاجر]

من خسر يبحث عن الاعذار = فكلش تقادير رحماني
لو كنت كسبان لو مليار = نسيت سنه وقرآني

[عذب القوافي]

عثمان شاعروهوبيطار=فنان يبدع بالالواني
جاب الحقيقه على اللي صار=ماينفعك بالموت ميلاني

[الطائر المهاجر]

اعمل لدنياك وعقبى الدار = فالدين ماهو لكسلاني
ولاسلم عود من الاشجار = تعود تخضر الاغصاني

[عذب القوافي]

خلّص دوامي بعد مشوار =وأرجع وأدققّ بالاوزاني
وياليت نبحث حقوق الجار=أرجوك لا تقول خلاني

[مبروك بن ماضي]

اسعد الله اوقاتكم بكل خير
كنت هنا فاستوقفتني هذة المساجلة الرائعه
بين شاعرنا العلم /الدكتور عثمان العبدالله
والشاعر المبدع : عبدالكريم بن خزيم
والحقيقة اني اكتشفت ان ابوابراهيم شاعر شامل
يكتب في جميع اغراض الشعر وانواعه
اكررترحيبي به وتشريفه لنا في الفطاحلة
واشكر استاذنا الكبير الطائر المهاجرالذي نتعلم منه
على سعة صدرة لنا وتةاصله المبهج معنا جميعاً
تقبلوا تحياتي واحترامي
أخوكم / ابو فيصل