نظرةٍ مرت بعفه

[سعيد الغامدي]

صدفةٍ من نظرةٍ لمعة عيوني دمرتها = بعدها صارت ضلوعي من هدبها مستخفة
آه منها من حلاها صرت أهيم بغندرتها = وأتحاشى لا يخفي حسنها رمشي برفه
جت تساوم في بضاعه غاليه ثم اشترتها = هي بكفه والبضايع كلها منها بكفه
مترفه كل المشاعر في فؤادي بعثرتها = يوم مال الشعر قامت بيدها اليسرى تكفه
وأشرقت لي وجنةٍ منها الجواهر نثرتها = منَّها قلبي تحرك نبض دقاته بخفه
ثم تجلت ومضةٍ من جيدها روحي برتها = لمع عقد ألماسها بات وموازينه مطفه
قلت ما شاء الله عليك وجاتني بمبادرتها = أنت هاوي وأنتبه ورد الجمايل ما يجفه
غبطتك غبطه حميده والمشاعر قدرتها = كم غبط غيرك وعود ناكفٍ ما نال شفه
قلت نظره من عيوني في عيونك سمرتها = صرتي بضفه وكل الكون في عيني بضفه
قالت الأيام رحله والمصالح أخرتها = صار وضع الجيل غتره مع عقال وثوب دفه
معضله فعلاً جليه والحقيقة فسرتها = جيلنا يهوى التحلل والهوى نحوه يدفه
لكن النظره عليه غصب عني مررتها = وما ألوم اللي خسرها لو صفق كفه بكفه
تاه فكري ما توعى جدها من غشمرتها = وابتديت انظم قصيدي بين أياديها واصفه
قلت حكمي عن جمالك خبرتي لك وفرتها = والنهايه للحكايه نظرةٍ مرت بعفه

تقبلوا تحيات

سعيد الغامدي

[داعي الشوق]

صح لساااااااااانك مليووووووووون يا سعيد

و لاهنت يالشاعر

ابداع و امتاع من شاعر جزل

صح لسانك ولاهنت

[منيع]

ياسلام عليك
ابداع وتميز
تسلم اخي الكريم سعيد
وسعيد بعودتك مجددا
تحياتي لكم

[عبدالله الشويمان]

صح السانك يا اخ سعيد

نص رائع من شاعر رائع

دمت بخير ولا هنت اخوي

[نجم الإبداع]

ارحب ياسعيد

وصح الله لسانك على المصافحه الجزله

لاهنت

تقبل مروري

وتقديري

[عبدالمحسن الرحمه]

صح السانك على روعة القصيدة
جزله من راس جزل
ودي قبل ردي

[كظيم]

سعيد الغامدي
الله الله الله
قلبك خضر يابعــدي
صح لسانك ومنطوقـك
انا اشهـد إنها قصيده جزله وفاتنـه
ابدعت في سبكهـا وحبكهـا
والله يعين العاشقين
تقبلني وتقبل مروري المتواضع لاهنت
ودي وتقديري

[الراقي]

أبيات جميـله جـدآ ...
صح لسانك وعلا شانك.
والله لا يحرمك أحبابك.

[حوريه]

نص رائع من شاعر رائع
صح لسانك ولاهنت
ودي وتقديري
0
0

[الـزلـزال]

سعيد الغامدي

نص مميز ورائع وجزل
من شاعر متميز في كل حروف شعره
أبدعت وأمتعت شاعرنا رعاك الله
دمت بخير ودام لنا حرفك الراقي
صح لسانك ملايين ملايين
ولك فائق تحياتي وتقديري