الحب في دمي وانا انسان حبيب

[ياسر عبدالرحمن الخالدي]

السلام عليكم ورحمة الله وبركاته

مساء\صباح الخير للجميع


اتمنى ان تحوز على رضاكم

الحب في دمّي وانا انسان حبّيب= واتبع حبيبي قذْلتن ما تشينا
الحبّ في دمّي زعير ولواهيب= يا ما على قوس الربابه شكينا
حبّيت لي حسنا تفتّ الرعابيب= عينين على خدّن على ثامرينا
لو لحّق المجنون شوفة مهاديب= ليلى تموت وذكرها ناسيينا*1
قد شافها طيرن لسربه بتنقيب= سبّه غصب مسكينهم في جُمينا
عانق نخلْها شربكه في أعاجيب= والسرب خلفه شبّكه خابرينا
ياليل ذكره بسهرك واشهق بطيب= لين ادمنه حسّ(ن) سعيد وحزينا
ياربعنا شورو لمن خلّه ازبيب= او هو عسل صافي عديلن لتينا
خلّه يوسم من عذابه تلاسيب= وحضرته لاهي جهل عن كنينا
يبكيه خلّه ليلته من مراقيب = راعي ونيت ووقفته فوق لينا
عوّى كما ذيب(ن) خذته المواجيب = فزّاع لمناديه يامن يعينا
يومه فزع للصوت والا ثعاليب= ياكبْرها ذلّة عظيمن فطينا
عمْلسْ فقد صيته تضيع المكاسيب= يركض ذعر خانه فؤاد(ن) ذهينا
وعويته تفزع نجومن معازيب= واهل الكرى تُبدي ولاء(ن) مهينا
لعيونها يا طير شيل المكاتيب= ولدارها وجّه سريع وأمينا
قل له ترى ياسر غليق المحاديب= زعْبلْ شبيهه خفيتن بل دفينا*2
قبرن يضمّه فاضلن في سرنديب= ان كان بحساسه ظَرَف تلعبينا
يزكى عطر خلّاه ربي عباعيب= لهل الكُره يا وردتي تشذيينا
افداك انا حسّي رويسي بدا يشيب= لا للطنش تكفين لو عاتبينا
وقل لها ياسر عدته المعاييب= يكتم شعوره خايفن تنقصينا

*1 المجنون هو مجنون ليلى العامري المشهور
*2 زعْبلْ سجن اسطوري في احد البلدان العربيه

وسلامة نواظركم

[مبارك أبوظهير]

ياسر



صح لسانك .. وقواك الله



لاهنت لاهنت



غلااااااااااااااي



م ن

[ابو أنس]

الفاضل ياسر الخالدي.................
سلمت وسلم بوحك العذب
جزلة من شاعر جزل وجميل
تحيتي وودي

[مبروك بن ماضي]

الاخ الشاعر / ياسر عبدالرحمن الخالدي

صح لسانك ولاهان راسك

قصيده طيبة بطيب راعيها

تقبل مني أجمل تحية

واعجابي بما قرأت

[عبدالكريم العياش]

اخي ياسر يامتخفّي صح لسانك والى الامام لك ودي واحترامي

[الطامي]

الخالدي
صح السانك ملايين
جزاة من جزل
لاهنت اخي

[زهرة اللوتس]

سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[حمود السكراني]

ياسر صح لساااااااانك قصيدة رائعة

من شاعر رائع سلمت يالغلاااااااااا

[عبدالعزيز البليهد]

الصبر ياياسر ولو كان تعذيب = مجبور لأجل عيون تصبر سنينا
والله يصخر قلب زين الرعابيب= ويوفي معك عطفٍ ولطفٍ ولينا

سلامتك اخوي ياسر وصح لسانك

تحياتي وتقديري

[الخنساء]

صح لسانك مليون ولايكفون

ابيات رااائعه لاهنت

سلمت ودام نبضك