قصيدة الأم الغالية

[سعيد عوده الحويطي]

اعضاء منتدى الفطاحلة الكرام يسرني مشاركتكم بهذه القصيدة وكانت مناسبتها أن والدتي كانت تمر بضروف صحية صعبة وتقول لي اتعبتك معي فرديت عليها بهذه الابيات :

يالام يالغاليه اقسم لكي باللي= يعلم بما يخفي الانسان ويكنه
اني على خدمتك ماتعب ولااكلي= خدمتكي واجب علينا ولابها منه
لو عشت عمري تحت رجليك ماملي= وش لون املك وانا في روضة الجنه
برضاك مهما تعبت وايش يحصلي= في رضاكي كثر التعب ماينشبع منه
والله لو راحتك بيدي وملكالي= والله مارضى عليكي اونه الونه
فدوى لكي مااملكه وايضا اناكلي= والله مابخل عليكي بشي وامنه
مادام برضاك رب الكون يغفرلي= الله يكتب رضاكي والرضا منه
لعلي اكسب رضاكي دايم علي= ورضاك يالغاليه مالي غنى عنه
وادعي لكي في صلاتي كل مااصلي= يكتب لكي جنته والمغفره منه
من غيرك اللي بشوفي دايم يهلي= ويشتاق الى شوفتي يوم ابتعد عنه
غير انت ياللي محبتكي لنا ظلي= من يوم انا طفل وايدكي يشيلنه
غذاه درك وحظنك مهده الزلي= ينام مرتاح واحضانك يضمنه
والصعب لني طلبته غير يسهلي= ماقلتي هذا صعيب ونعتذر عنه
ماشفت منكي بعمري شي يزعللي= حتى وانا الشيب راسي مكتسي منه
ماغير دعواتك اللي دوم درعالي= درعا من النار والمكروه ينحنه
دعواتك اللي يجن من قلب صافا لي= باخلاص تدعي بهن والله قبلهنه
الله في محكم التنزيل بين لي= برك فريضه بشرع الله والسنه
والله والله يوم اقسم لكي والي= باسم الذي كلنا نرجي الفرج منه
ان الشقى بطاعتك ماينحسب ذلي= ياطيب ذل ورا ه الفوز بالجنه
وسلام مني على المبعوث واصلي= اعداد برق السحاب ومانزل منه

[منيع]

ياسلام
جعلك الله من البارين بها
وماتشوف شر وتقوم بالسلامة
كل الود والتقدير لكم
تحياتي

[عبدالله الدخيل]

سعود الحويطي

صح لسانك ولا هنت يالغالي

قصيده جزله من شاعر جزل والام تستحق هذا واكثر

والله يرحم الوالده ويسكنها في فسيح جناته ويرحم جميع موتى المسلمين


واقبل
ودي واحترامي

[الطائر المهاجر]

الحمد لله على سلامة الوالده وما تشوف شر
قصيدة جزله من راس جزل
صح لسانك واعتلى شأنك
ولاهنت
تحيتي واحترامي

[سعيد عوده الحويطي]

شكرا لمروركم على القصيده وللتنويه فقط فان الوالده انتقلت الى رحمة الله في بدايه صفر 1433 اسال الله لها الغفران و ان يسكنها فسيح جناته

[داعي الشوق]

انا لله وانا اليه راجعون

صح لسانك يا سعيد

و الله يرحم والدتكم و اموات المسلمين

و يجزاك ثواب برها

وصح لسانك مدد

[حوريه]

مهما قدمنا للوالده ما نوفيها حقها
عسى الله يخليها لك ويخليك لها
وصح لسانك على ما أبدعت
تحيتي لك مع التقديري

[الـزلـزال]

سعيد الحوطي

نص مميز ومعبر وهادف
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
دامت والدتك بالصحه والعافيه ودام لنا حرفك
صح لسانك ملايين ملايين
ولك فائق تحياتي وتقديري

[الدعيمي]

احسنت
ودام ابداعك
ولاهان راسك
تحياتي وودي

[روح الشعر]

لو عشت عمري تحت رجليك ماملـي
وش لون املك وانا في روضـة الجنـه


صح لسانك واعتلى شانك

قصيده تستحق القراءه

لا هنت ولا هان فكرك