العيد / هدية الرحمان

[ماجد الزيد]

العيد حلّ وله على النفس تأثير=ياما حلا محيّاه ياحيّ حيّه
هديّة الرحمان بعد التصابير=فيه النفوس الليّنة والنديّة
قلت استغلّه يوم جات التعابير=وانصح به اللي يحتري له هديّة
لا تندم إن سويت مع واحدن خير =حتّى ولو يجزاك بالخير سيّة
تحيا قرير العين ما مسّك الضير=كانك تبي بالخير رب البريّة
والغيظ لوهو شب صدرك دوافير=اكظم عليه ولا تردّ الأذيّة
سامح ولا تشفق تجيك المعاذير=تلقى بيوم البعث نفسك رضيّة
قد صح عن مسلم وكل التفاسير=عظم الثواب المن يسامح خويّة
لا تشيل في صدرك حقُوُدن على الغير=نم يا قرير العين نفسك هنيّة
تقدر تعزّر فيمن آذاك تعزير=وتحطّ في كبده ثمانين كيّة
بس إن عفيت الله عفا كل تقصير=ويغفر لك بيوم الحساب الخطيّة
قلب ٍ سعير وكنّ ينفخ به الكير=وقلب ٍ نظف من كوثر الخير غيّه
صدر ٍ ربيع وغرّد بدوحه الطير=وصدر ٍ محل فيه العواصف قويّة
الخيّر اللي فاق كل التصاوير=صدره سلام ولا حمل به رزيّة
عمر الفتى محسوب له يوم ٍيصير=تحت الثرى لا جندلته المنيّة
ما عوّدوا ربعه لداره مسايير=ولاله وليّ إلا فعوله وليّه
من قدّم الحسنى لقاها تباشير=ومن قدّم السّيات ياويل بيّه
ما ينفع المنكوب بالقبر تبرير=ولا ضرّ ظيف الله دنيا دنيّة
ومن كان يبغى الخير للعيد تأثير=ياما حلا محيّاه ياحيّ حيّه

[داعي الشوق]

صح لسااااااانك يا بو حمد

وعيدك مبارك

ولاهنت على القصيدة الطيبه و الجزله بالحيل

و صدقت بكل ما فيها يالشاعر

و يحسن الله اليك على النصايح الثمينة ،

مع تحيتي لك

**************

[عبدالعزيز العمار]

ماجد الزيد

صح نظمك وفكرك الجزل

وكل عام وانت بخير وعيدك مبارك

تحياتي وتقديري

[الطامي]

ماجد
عيدك مبارك
وكل عام وانت بخير
وصح الاسنك
وافية وكافيه لافض فوك اخي

[عبير الورد]

صح لسااااااانك ملايين
وكل عام وانت بألف خير

[هترل]

لا تندم إن سويت مع واحـدن خيـر
حتّى ولـو يجـزاك بالخيـر سيّـة



صح لسانك يالزيد لاهنت

وكل عام وانت بخير

ابيات جميله راااااقت لي كثيرا



تحياتي العطره

[أم ريما]

صح لسانك

قصيده رائعه

يعطيكم العافيه

[الخنساء]

قد صح عن مسلـم وكـل التفاسيـر

عظم الثواب المـن يسامـح خويّـة

لا تشيل في صدرك حقُوُدن على الغير

نم يا قريـر العيـن نفسـك هنيّـة

تقـدر تعـزّر فيمـن آذاك تعـزيـر

وتحـطّ فـي كبـده ثمانيـن كيّـة

صح لسانك مليوووون
قصيدة جزلة من شاعر متمكن
سلمت ودام حرفك

[منيع]

ابداع وتميز
شكرا لكم
تحياتي

[الطائر المهاجر]

سلمت وصح لسانك وفكرك
ولا هان راسك
جزلة وطيبة من راس طيب
تحياتي