عبدالله الحمدان * ونجم الابداع

[عبدالله مذكر العقيلي]

الحمدان )) فلاح يصنع لحونه من مزاجه = ياناس وش فيه غير في لحنها

فلاح)) فلاح مايختبي وقت المواجه=والكلمه الي تجي قايس زمنها

الحمدان )) شاعر محنك ويعرف وش خراجه = لكن بعض المعاني مادفنها

فلاح )) مادور حول الخدر لاطفى سراجه= اجي بوضح النقاء والنفس اصنها

الحمدان )) لوقابلك شاعرٍ يعقد حجاجه = البدو ياصاحبي تتبع ضعنها

فلاح )) الي عقد لي حجاجه به لجاجه=لوّه يفكر ضنونه ماكمنها

الحمدان )) يعطيك حاجه وتاخذ منه حاجه = ويضحك وتضحك ونفسه ماشحنها

فلاح )) كلن يحرج ويدري عن حراجه= والي يسوم الهزيله ماوزنها

الحمدان )) وزن الهزيله مثل وزن الدجاجه = والطيبه مكسبي واعرف ثمنها

فلاح )) اعرفك ذيب ولاتحب الخواجه= والناس ماترضى الردي في وطنها

الحمدان )) اشرب من الماء ولا تقرب هماجه = واسكن بيوتٍ محد قبلك سكنها

فلاح )) الله يجيرك من هروج السماجه = شاعر ولك بالبيد يطرب رسنها






دمتم بخير

[صعبة المنال]

جميل اسم ريتال

صحت السنتكم

صعووووب

[عبدالله مذكر العقيلي]

يسلم ذوقك

وصح بدنك

ومشكوره على المرور

[فارس القوافي]

صحت الالسن والله


لاهنتم

مبدعين اثنينكم


دمتم بخير

[عالي مستواها]

صحت السنتكم يا رائعين
ابدعتوا وامتعتوا
يعطيكم العافيه جميعااا

[الطامي]

فلاح × الحمدان
صح السانتكم جميع
محاورة طيبة جدا
لاهنتو

[حي الضمير]

ابدعتوا وبيض الله وجيهكم

[عبدالله مذكر العقيلي]

شكرا على المرور الرائع

الله لايهينكم جميعا

[نفحات حساسة]

صح السانكم.. ولاهنتو.. عبدالله وفلاح
ويعطيكم الف عافيه..وسلم فكركم
تحياتى وتقديرى..

[عمر ال شيبي]

سلمت قلوبكم ابدعتم