هتررل× الطائر

[الطائر المهاجر]

تمت صباح الأربعاء 28 جما2 1434
الأقدم تحت

هتررل=
ما ودي اسري وانت يالعود مقهور = الله بلاك اليوم مدري بلاني
الطائر=
كلمه جميله جات من فم قنطور=الذيب تهرب لا لقته الحصاني
هتررل=
اسمعني يالشايب ترى الهرج محظور = لاني مكانك ولانت ماخذ مكاني
الطائر=
سموك هتررل ليت سموك شحرور=تصيده البسه برفع البناني
لا وصلنا الطامي قرا سورة النور= يمكن يفك السحر من هاليماني
هتررل=
شكله براسك جني يلف ويدور = يومه يغني وانت تسمع اغاني
ما ينفعك داعي ولا القرم منصور = لا ثارت الهيه ترى العلم ثاني
الطائر=
ماني على نصح المهابيل مجبور=واللي اكل لابد يضف الصواني
هتررل=
انا حشمتك وانت بالطيب مشهور = يالعود اعدك واحدٍ من اخواني
الطائر=
مادام راسك يشبه لدمجة الثور= درعم على كيفك وجر السواني
هتررل=
يالضب اعقل قبل لا البندق يثور = وتصير طعم جحوش يالاسمراني
الطائر=
قلبك خفيف وصار خارج عن الطور=يحتاج لك كيه بوقت الأذاني
هتررل=
قلبي لغيره ياجودي شبه مقبور = ذكراه مابين الحشى والساني
الطائر=
مراهقة سحليةٍ قدم ضاطور=وفراغ قاتل مورثٍ للحزاني
هتررل=
زوله محاوطني من السور للسور = واصبحت اعاني مثل ماهو يعاني
الطائر=
خل العقل قدام ماتخسر الدور= واوطى على قلبك تعيش بأماني
هتررل=
مشكور يالشايب على النصح مشكور = لكن قلبي لو نهيته عصاني
الطائر=
ترى الغريزه تتركك شبه مسعور= وتحسبه عشق وماشيٍ بافتتاني
تقضي حياتك تحسبك صرت مسحور=وتضيع في دربك تدور حناني
اجلد عميره واترك الكاس مكسور= وافرغه مما فيه تصبح حصاني
هتررل=
غروٍ ذبحني كن في طلته نور = ممشاه لاقفى تقل بهبهاني
الطائر=
بلاك خبل وما لقيته من الشور=اللي يدلك للعقل وانت هاني
هتررل=
يالعود قلي وانت شاعر ودكتور =العشق حطم كبريائي وكياني
الطائر=
لا افلست من دنياك اركب لحنطور= وعلى الجبل اطلع وطب بثواني
هتررل=
ودي ولا ودي ولكن مجبور = الوقت عله والظروف تحداني
كم مرهٍ فكرة فيها بمنظور = اني بشر وان الاماني اماني

[ساهر الليل]

يا سلام على الكلام المرتب

رغم الزود من قبل العود كعادته

بجد محاوره جميله جدااا

صحت السنتكم

تحياتي لكمااا

[داعي الشوق]

صحة السنتكم يا فطاحله

ابدعتوا ولاهنتوا

[هترل]

ههههههه

صح لسانك يالنشبه وحقيقه اللعب معك غير ..
شكرا لاتاحه الفرصه وشكرا لسعه صدرك

.. لكن وراك طرحت الابيات معكوسه اللي فوق تحت واللي تحت فوق

تحياتي وتقديري

[الطامي]

هههههههههههههههههههههههههههه
ابشروو تراني جاهز يالعود
نقر ونحصنه وخلاص مايهمك
انت تامر وهو يطيع عاطول
صح السنتكم جميع
ابداع ماشاء الله عليكم

[عبدالله السويلم]

صحت السنكم جميعاً

محاوره حلوه


تحياتي

[نجم الإبداع]

صحت السنتكم ياشعار

[بنت النور]

صحت السنتكم ياشعار الفطاحله يعطيكم العافيه

[عبدالله السويلم]

صحت السنكم جميعاً


محاوره حلوه


تحياتي