وضعنا الحاضر ودور امريكا والموساد

[الطائر المهاجر]

وضعنا الحاضر طلاسم مهما حاولنا القرايه = ومقبل الأيام لغزٍ في فصول المسرحيّه
مسرحيّه صاغها الموساد وابدع في الروايه= والعرب سكرى بكسب النفط ما يدروا النويّه
المواري واضحات لمن تأمل في البدايه = قبل ما اسرائيل تبدا والخطط ترسم جليّه
فالوسيلة عند صهيونٍ حلال لكل غايه = مبدأ استعمار راسخ في الحروف الأبجديّه
ما يحدّه في طموحه شي عند اهل الدرايه = كل همه يسرق الثروات بيدين البريّه
مسرحيّه فصلها الأول وضح منه الكفايه = والله اللي وحده العالم يما تخفي البقيّه
قالوا لصدّام هاجم فالخميني في النهايه = كان تصبر له يجي لك بالجيوش الفارسيّه
وابتدى حربٍ طويله ودعموه بكل رآيه = وفرضوا دعمه علينا وانعمينا بالحميّه
وصار في بغداد جيشٍ ضخموا عنه الحكايه = يمكن بيوم يتهوّر يصبح لحيفا اذيّه
وقالوا لصدّام غزوك للكويت ولو هوايه = شانكم يالعرب ما نحتجّ او نرفع قضيّه
يحسبنّه ضوءٍ اخضر فابتدا ذيك الجنايه = ما درى إنّه طعم واضح ما يبي عقولٍ ذكيّه
حطموا جيشه ولكن خلوا الباقي مرايه = تعكس التهديد للي ذاق منه العنجهيّه
وابتدوا فرض الضرايب وفرضوا معها الحمايه= وصارت اسرائيل ارحم في العيون النرجسيه
وابتدا فصلٍ جديدٍ ما تفيد به القرايه = ما اكتشفنا من ظلامه ما يوضّح للرويّه
ضربت امريكا بخطه لو تفسّر في عنايه = نعرف الموساد سيّر من فعلها للرديّه
مثل ماهو حاكم امريكا ويغذيها غذايه = داخلٍ في القاعده في كل غزوه او سريّه
وجّه اللي يحكم امريكا على اكمال الروايه= "شيني" المعروف اصله بالفعل قبل السجيّه
جابه الشايب يغطي من مشى درب الغوايه = ابنه المعروف وضعه من سنينٍ أوليّه
عارف ابنه ما يجمّل طفل يحتاج الوصايه = دمية في يد "شيني" تحترك بالجاذبيّه
وضربوا كابل ماهو للثأر والاّ للنكايه = من اجل نفطٍ وغازٍ عارفينه بالسويّه
في بلادٍ جاورتها من الشمال بلا رعايه = لا تزل ثرواتها عذرا وبالفوضى حريّه
ولنّ في بغداد نفطٍ ما لعمره من نهايه = دوّروا عذرٍ لسرقه ثم تضييع الهويّه
عنده سلاحٍ خطير طوّره عن خبث غايه = وفتّشوا في كل موقع ما لقوا له من خبيّه
قالوا ارهابي ويدعم كل ارهاب بحمايه = ويمكن إنّه من ضربنا او له ادوارٍ خفيّه
افلسوا من كل عذر وما بقى غير الوشايه= قالوا الطاغي شكاه الشعب موغل في الأذيّه
وبتدوا ضربه بحقد بكل انواع الرمايه = وفي النهايه فرحوا بمسكه وهو وسط الركيّه
وقسموا شعبٍ توحّد انتهى كومة نفايه= بعد عزّه بان ذلّه تحت امريكا الدنيّه
مسرحيه فصلها التالي بدا بدزّ الجرايه= حاكموا صدّام لكن ما لقوا له من قضيّه
ما بني من ساس باطل ، باطلٍ منذ البدايه = كلمة الماخوذ يومه طاح من عال الثنيّه
يستمر الظلم سائد ما عرفنا له نهايه = وتنجح امريكا وربيبتها برسم المسرحيّه

[منيع]

نعم يادكتور مسرحية هزلية انطلت على الكثير
شكرا لك ولحرفك القوي والصريح
تحياتي لكم

[داعي الشوق]

الله يرحم صدام

وصح لسانك وحرفك ومعناك ياعود

وافيه من وافي ولاهنت

[الطامي]

صح السانك دكتور

انت اعرف
والطلبه ماهم مثل المعلم
لاهنت

[بنت النور]

صح لسانك
ولاهنت
اتقنت في اختيارالحرف ياشاعر
تحية وتقدير

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه

[الطائر المهاجر]

شكرا الطامي
على كريم المتابعه
لاهنت
اطيب التحيه

[الطائر المهاجر]

شكرا بنت النور
على كريم المتابعه
لاهنتي
اطيب التحيه

[الطامي]

صح السانك بو عبدالله
طيبة وهادفه
لاهنت