ما علي من الحرامي يالصوت

[الطائر المهاجر]

ما علي من الحرامي وأي فاسد بالمدينه= دام به امن وامان حنا في ايدي امينه
لكن المشكل بشعبٍ بعضه احواله رديه=والضرايب والرسوم زادت البله بطينه
والبطاله في تزايد ضاربه رقمٍ قياسي =والأجانب في وطنا كل شيٍ ناهبينه
ماسكينٍ بالمفارص من تجاره او بنوك =من يجيهم من عيال الدار يلقى ما يهينه
محتمين خلف ستره من ضعيفين النفوس = من رجالٍ كل واحد عنده عضودٍ متينه
الفقر لا من تزايد تنتهي معه المبادي= يبتدي الاجرام يظهر بالصحاري والمدينه
بين ارهاب وتطرف خلفها بعض الأعادي= والضحيه من شبابٍ انغسل عقله بحينه
من عقولٍ تدعي بالدين والهم الفلوس = ما يهم من وين تاخذ ولا عليها ويش دينه
ليت عقّال المدينه يفهموا معنى البطاله= ويفهموا معنى الفقر واللي يخبي في كنينه

[منيع]

الفـقـر لا مــن تـزايـد تنتـهـي مـعــه الـمـبـادي
يبتـدي الاجـرام يظهـر بالصـحـاري والمديـنـه

الله يستر يادكتور الصراحة الوضع مايطمن
وابياتك تحاكي الواقع بشكل مؤلم
كل الشكر والتقدير لكم
تحياتي

[بنت النور]

كتبت فأبدعت واجزلت
صح لسانك ولا هنت
تحياتي الطيبة

[داعي الشوق]

ليت عقّال المدينه يفهموا معنى البطاله
ويفهموا معنى الفقر واللي يخبي في كنينه



بيت عن قصيدة

الله الله يا بو عبدالله

ابيات وافيه وتترجم حال وقتنا والضروف المحيطه

صح لسانك وطاب حالك

دائما ترسم ملامح الواقع بمعانيك الجزله

ابدعت ولاهنت ياعود

[الطامي]

صح السانك ملايين
قلت وأجدت وأصبت
ولاهنت دكتور

[عبدالله الشويمان]

صح لسانك واعتلا شانك يا أبا عبدالله

قصيده رائعة كالعادة ما تجيب الا الروائع

لا هنت لا هنت

[الطائر المهاجر]

شكرا منيع على كريم المتابعه
لاهنت
تحياتي

[الطائر المهاجر]

شكرا بنت النور
على كريم المتابعه
لاهنتي
تحياتي

[الطائر المهاجر]

شكرا داعي على كريم المتابعه
لاهنت
تحياتي

[الطائر المهاجر]

شكرا الطامي
على كريم المتابعه
لاهنت
تحياتي