ياجاهل الدنيا وجاهل خطرها

[صنداح الزلامى]

صم الجبال اللي صليبٍ حجرها = لو ارتكت له شهب الايام تفنيه
ياجاهل الدنيا وجاهل خطرها = الشر وسط بطون الأيام تطويه
دنيا العبر درس العبر من عبرها =وطبع الليالي سرها ما تخفيه
ومن لا حسب لحسابها واعتبرها = مصيرها ببحور الأهوال ترميه
دنيا العنا من جاء على منحدرها = أقفت عليه وغاب ذكره وطاريه
لو انه أبحر في حلى الوقت و أرها = لابد مره ما يبدل بحاليه
من طبعها يسبق حلاها كدرها = تسقي شقى مشروبها ماتصفيه
على كذا الدنيا وهذي صورها = سبحان من دورات الافلاك بيديه
فرد صمد وأقداره ليا ومرها = تصيب من يامر له الله وتخطيه
ومن لاحمد وانعام ربه شكرها = سو المصايب والفتن ماتخليه
ومن صارع الدنيا ونفسه قدرها = ومشى طريقٍ يرضي الله ويرضيه
وحبال وصله مدها ماقصرها = يلقى جزاء ما قدمه عند واليه

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[منيع]

مبدع ورائع وحكيم
تسلم اخي الكريم صنداح الزلامي
ربي يرعاكم
تحياتي

[داعي الشوق]

الله الله يا بو محمد

معاني تدخل القلب من اوسع ابوابه

لله درررررك يالشاعر

سبك و حبك و جزالة و معنى

عز الله انك ابدعت وامتعت

وصح لسانك حتى ترضى

شاعر كبير و مافيك حيله يا صنداح

ولاهنت

[نجم الإبداع]

الله الله يابو محمد

شاعرنا الكبير صنداح العتيبي

صح لسانك وقلبك

حكمه زاهيه وجزاله

لاهنت

تقبل مروري

وتقديري

[هترل]

ومن لاحمد وانعام ربـه شكرهـا
سو المصايب والفتـن ماتخليـه
ومن صارع الدنيا ونفسه قدرهـا
ومشى طريقٍ يرضي الله ويرضيه
وحبال وصلـه مدهـا ماقصرهـا
يلقى جزاء ما قدمه عنـد واليـه



ااااالله اااالله عليك
الشاعر القدير صنداح الزلامي
صح لسانك ترليووون ولا يوفون
نص راق زاخر بالمعاني الجميله
ابدعت وامتعت لاهنت


تحياتي وتقديري

[سعيد عوده الحويطي]

صح لسانك شاعر جزل وبيوت جزله سلمت ياصنداح الزلامي على هذه الرائعه

[محمد بن عمار]

صح لسانك ياصنداح
كلام جميل لاهنت
يحياتي

[مرزوق المغيري]

صح بدنك شاعر ولاغرابه الابداع

دنيا العبر درس العبر من عبرهـا
وطبع الليالي سرها مـا تخفيـه

[الشنيفي]

صح لسانك يالقرم
ابدعت فكفيت ووفيت
لاهنت
اجمل واطيب تحياتي