لا صرت في ديرة والله معطيها

[الطائر المهاجر]

لا صرت في ديرة والله معطيها = خير كثير وشعب طيب النيه
تلقى الاجانب بها اضعاف اهاليها= متسترين ورا اشباه واويه
والبعض يافد لها هجره لاراضيها= ويزعم بأنه يبي له ارض قدسيه
اما الحقيقه ولا يمكن نداريها= الكل يبغى المكاسب من ورا الجيه
البعض كسبه حلال او حراويها= والبعض كسبه حرام ومخفي طيه
واكبر خطر من يجي يخدم معاديها= ويبدا التسلق وياصل للنداويه
يظهر تخضع ونفسه لو يوطيها= اهدافه اكبر وله نيات مخفيه
والمشكله من فساد ناخر فيها = من وين تمشي تلاقي للحراميه
احد بشيول وضوح لو يخفيها= واحد بطرف ابرة تكشف مراميه
وعجوز جوعانة والفقر واطيها= لو هو رغيف خذت لاطعام ذريه
قالوا حرامية تسجن بداعيها = ويطبق الشرع بالافعال لا النيه
ومهما يكن خير هالديره باراضيها= صارت مثل قربة السقايه ارقيه
تشيلها لبيتهم تعجز توديها= ولا وصلت البيت ما تلقى اثر ميه
وهذي النتيجه وكل اعمى يراعيها= المال محصور في عشرين بالميّة
اما البقيه فدين وقرض معميها = والفقر واطي نفوس شبه منسيه
وبطالة ضاربه والكل داريها = دام الاجانب حشود بكل ناحيه
لابد من وقفة تصحح مجاريها= من قبل ما السيل يجرف كل محميه

[منيع]

لابـــد مـــن وقـفــة تـصـحـح مجـاريـهـا
من قبل ما السيل يجرف كل محميه

اجدت واصبت
كل الشكر لكم
تحياتي

[الطامي]

صح السانك دكتور
وافية وهادفه
شكرال ك

[داعي الشوق]

تميز وابداع و حبكة شاعر

صح لسانك و طاب حالك

ولاهنت

[هترل]

صح لسانك يابو عبدالله وجاد بنانك

ودي

[بنت النور]

اتفنت وابدعت لافض فوك
صح لسانك على هذا التميز
لاهنت
تقديري لسموك

[جهاد الشعلان]

في نظري انه بعد زرع ثقافة (عامل النظافة لايقل أهمية عن رئيسه )

نستطيع الإستغناء عن العمالة وشغل أماكنهم بأبناء الوطن .

الله يزينها بس

صح لسانك ياشاعر المجتمع

تقبل مروري

[نجم الإبداع]

صدقت

صح لسانك


وشكرا لاتحافنا


لاهنت

[حرف وشعر]

لابــد مــن وقـفـة تصـحـح مجاريـهـامن قبل ما السيل يجرف كل محميـه


الطائر ،،

وكالعادة نص حكيم من شاعر حكيم ،،

تقبل الاعجاب ،،

[نفحات حساسة]

صح السانك ياعمده


ولاااااهنت