لبى قلبه

[مجدي صالح المبارك]

لبى قلبه لبى صوتـه لبـى حكْيـه واللباقـه=لبى شعره لبى ثغـره لبـى عنّابـه و ريقـه
خشف ريمٍ لاتهصّر لعنبـو حـي الرشاقـه=طيّر الخفّاق حسنه والعَقل يغمـى و يفيقـه
ضامر السرجوف لانسنس نسيم الصبح ساقه=لين ماعطّر جهات الأرض من صافي رحيقه
في عيونه بحْر طامي والكحل ضيّـق خناقـه=أنكسر مجداف قلبي فيه وانفاسـي غريقـه
و من خدوده يسرق التفاح حمْرته و مذاقـه=آه من ورد السواطر لا خجل بين الخليقـه
بو ثمان اللي يذوب الشهد في ضفّة عراقـه=سدّد (ا)سهام الرموش و لا قدر صدري يعيقه
فيه سلّة سيف تقطع دابر القـوم وشقاقـه=منتصب دونه أسيلٍ تؤام البـدر و شقيقيـه
قاهر (ا)رهاف الترايب كل جمال الغيد فاقه=حفْيت ابياتي ولاجت للمقام اللـي يليقـه
من لحظني لابعيرٍ لي بقـى أو خـفّ ناقـه=وين مايمّمت وجهي كل خطواتـي طريقـه
طحت في حبه وقلبي رافعٍ كـفّ اشتياقـه=رغم شرهات الليالي والجراحـات العميقـه
ماقدرت املك هواه ولاقدرت اخرق نطاقه=الهوى مهما هربنا منْه لـه عـروه وثيقـه

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[منيع]

عذوبة الشعر وقامة حروف التجديد والابداع
كلها في ثنايا ابياتك الرائعة والمميزة
تسلم يامجدي
تحياتي لكم

[عمر ال شيبي]

من لحظني لابعيرٍ لي بقـى أو خـفّ ناقـه

وين مايمّمت وجهي كل خطواتـي طريقـه

طحت في حبه وقلبي رافعٍ كـفّ اشتياقـه

رغم شرهات الليالي والجراحـات العميقـه

جمال الحرف حرفنة شاعر

صح لسانك لا هنت ابد

[عبدالعزيز ابراهيم المنصور]

روعة
نص رائع
صح لسانك
سلمت ولاهنت
دمت بخير

[زهرة اللوتس]

صح لسانك
لاهنت
تحية طيبه

[الخنساء]

صح لسانك مليوووون

قصيدة جزلة من شاعر متمكن

سلمت ودام حرفك

[عبدالعزيز العمار]

مجدي المبارك

صح لسانك واعتلى شانك

جزله من جزل والحمدلله على السلامه

تحياتي وتقديري

[فارس القوافي]

اررررحب يامجدي

هلا بك والقصيد

صح لسانك لاهنت


يعطيك العافية

دمت بخير

[صعبة المنال]

صح لسانك وحرفك


صعوووب