انا ولدت بنكسة العرباني

[فواز الغسلان]

ياللي طـلبـت الشرح بالـقـيـــفــاني=هــاك الـعــلـــوم بـلـوحـة شـعـريه
والـلــي رسـمـها شــاعــر فــنـــانــي=يـضـمـن صـلاح القـاف والنوعيه
لاشفت هوجاس الظلام اشقاني=وامسى على فكري تـقـل دوريـه
اما سـبـايـب عـنـــدل الـغـــزلاني=ام الـعـيــون الـنــاعــس الشامـيـه
اللي زهـاهـا الـثـوب والفـستـاني=وسحر الحـلا بخــدودهـا الـورديـه
اللي زمت من دونـهـا الظـلـعـاني=وشهب الخـطوط وقـاعـهـا الرمليه
او واحد يكـتب وهـو غـلـطــاني=وعـنــده تـواريــخ مـهــــي صـحـيــه
خـلا الدجـاج تطـارد السـرحـاني=ويـنـشـر عجـين بحــوثــه الـعـلـمـيه
وان قلت اجيب لغلـطته برهـاني=عـارض رئـيــس اللـجـنـة الـرسميه
هـرجـي غـدى كله مع الطرشاني=خـلوا بـحـوثـي عـنــدهـم مـنسيـه
وقالوا درس بالـمـعـهــد الالـمـاني=واكـمـل جـمـيــع فـنــونــه الـعـلـميه
قـلـت الـعـرب كـلــه بـلا تـبــياني=حـكـــامـهــا عــــاشــت بــلا كـــلــيــه
وشـيـوخــنـا بالـــديــن والايـمـاني=مـالـك مــع ابــن الـقــيــم الجــوزيه
سـادوا على القاصين قبل الداني=ماخــافــوا الـتـفــنـيــش والحـسـمـيه
قـالـوا كلى الـمكـبوس والـبـريـاني=يــوم انــت تـاكـل خـبــزة جـمـريه
قلت الـفـلافـل تـوجـع الـمصراني=ويـمـكــن تـعــيــد الـحـكــة الجلديه
قـالــوا قـريــب لـقــايــد الاركـاني=وابــوه قــــاد نـســـورنـــا الـجــويـه
قلت اسمعوا نـبـذه عن الغـسـلاني=من شان كـشـف فروقـنا الوهـمـيـه
أدم وحــواء والـعـــيــال اخــوانـي=ودلالـي احلى من طـــعــم كــافــيــه
وحـملـي وحـمـلـه بالـعدد سيـاني=ومـسـكـانـنــا بـالـكــورة الارضـيـه
اول سـنــيــن اعــمــارنــا وغــداني=وعـنــده وعـنــدي دورة هـضــمـيــه
وعـنـده شـرايـيــنـه وبي شـريــاني=وكــل مـــعــاه جـيـوبـه الانـفـــيــــه
ولانـخـتـلــف في لبـسـة الاكـفـاني=والــدفـن تـحـت الـتـربة الطـيـنـيه
وبالحـشــر مـثـلـي ذاهـل عـريـاني=مــاراح يـاتـــي نـاقـــل بـبــســيــه
قــالــوا مواضيـعك عـن الاكـواني=وتجـهل فـنــون اجـيـالـنــا العصريه
قلت اسـمـعـوا للـضـامـر الـولهاني=وخوذوا عـلاج الـطـعـنـة الشـوكيه
ماراح اجـيـب الـفـغــم والـهبداني=وزوبــع وعــلــــم ديــاره الـطــائـيــه
وابـدى بطـيـحة حكـمـنـا العثماني=ورفـعــة شـعـــار الـثـــورة الحـزبـيـه
انــا ولــدت بـنـكـسـة العـربـاني=وهــزيـمـــتــه بالـضــــفـــة الــغــربـيــه
في ثلـث سـاعـه حـاسـهــم ديـاني=لو قيل هـذي حـرب تكـتـيـكـيـه
راحت بـها سيـنــاء مـع الجــولاني=واعــدم جـمـيــع البـنـيـة التـحـتـيه
أثــر الــزعـيـم بـلـيـلـتـه سـهـراني=حـتـــى الـصــبــاح بـسـهـرة فـنـيــه
واللي رمى جيش العرب خسراني=واعدم جـمـيــع جـيــوشــه الحربيه
تـدريـبــهــم مـاهـو على الـعـدواني=على الـشـعـوب بـهـجـمـة قـمـعـيـه
وسلاحـهــم للـشـعــب والجــيـراني=وعند الـمـعــادي طبـعــتــه سلـميــه
الحـرب فـيـهـا الـقـصـف والـنـيراني=مـاهـي بـلـوت ورصــة اربـعـمـايه
امـا الـدراسـه مـعـــهــدي بـرزاني=والخـتــم خـتـم شيـوخــنـا الفــعــلـيه
اللي تــرد الـكـــذب للـكــــذبـــاني=ولا تـعــرف الـتـــزويــر والرمـزيـه
وجـبال حـايـل بالفـخــر مسكاني=الـلـي سكـنــــهــا حــاتـــم ومــاويـــه
والـمـدرسه في مجـلـس الشيـبـاني=وتخـصـصــي بـالــديــرة الــنـجــــديه
واللي مـعـي مـاهــو من الـدكـاني=ومـمـنــوع كــود بـوصـفــة طـبــيـــه
عـلـــيـه خــتـــم الـمـنــع كالــدخـاني=ولازم يصـير بخــلــوةٍ شــرعـيه
لو هو حلال بـمـذهـب الـشـوكاني=وجايـز بـقول الـشـيـخ ابن تـيـميه
جـبـتــه من الـسـفــرات للـبـلـداني=وحرصي لحـفـظ اشـعـاره الشعبيه
نـوب رواة ربـوعـــــنــا الــويــلانـي=والا رواة ديــارنـــا الـــقـــبــلـيــه
مابـيـن قـاف بـديــوي الــوقــدانـي=وراكان راس الـعـــزوة الـيـــامـيــه
والا الغزل مع مـحـسـن الـهـزانـي=والا قـصـيــد الـحـكـمــة الـلامـيـه
اتـعـبــت فـيـهــا ناقـتــي وحـصـاني=من قـبـل اعـرف الـشـاشـة الفضيه
يـوم الـقـــصــايــد قـولــهـا مـجـانـي=قـبــل تصـــيــر بـعـمــلــةٍ نـقــديــه
افـهـم قـصـيـــد الحـضر والـبــدواني=ولي بـالـقـوافـــي بـصـــمـةٍ سـحــريه
وكان السبب بالـمنع صدق لساني=ولبــس الـعـقــال ولـبـســة الطاقيه
ماتـرهــم الـبــدلــه عـلـى سيــقـاني=ولا اجـيــد لـبــس الـبـدلـة الـملويه
وكان السبايب جــيـبــي طـفـراني=فـاتــت عـلـيـنـا الـطـــفــرة الـمـالـيـه
وشـلـون يـصـبـح شـعـبــنـا بـطراني=ونـهــمــل حـيـــاة ديـارنـا الـفـطـريه
والـلــي يـمــوت بـذمة الشيطاني=لاعــاش راس الـظــبــي بالـمـحـميه
والـلــي طـلــع بالـمزرعه خـسراني=فـدوه لـعــيــن مـيــاهــنـــا الـجـوفـيه
وان كان هـي بالـهـوش والعصياني=نـاتـي وكـل(ن)ناقـل(ن) شـومـيـه
اما وطـيــت الـذيـب او يـاطــاني=ونـبــي الـهــواش بغرفـة(ن)صخريه
والا اسـمـعـوا قـولـي بلا حقراني=والـصــدق واضـح للـقـلــوب الحيه
ونـبــي الـحـكــم من نـقـرة البلقاني=عـن فـزعـــة ابــن الخــال لابناخـيه
قـالـوا خـلاصـة هـرجـنـــا يافـلاني=بحـثــك يـغـيـض الـسـلـطة الرسميه
وحـنــا ضـعــاف وعـنــدنا يـتـمــاني=ونخــاف قـطــع الـرزق والخــرجـيه
قلت اقـبـلــوا شكـري مع العرفاني=ونـصـبــر بـنــار الجـهــل والرجـعيه
واما الـعــلــوم اللي حـوى ديـواني=ماراح تـبـقـــى بالــعـــرب مخـفــــيـه
الـفـســح للـكــذبـان والـعـلـمـانـي=ويـمــنـــع دعــاة الـفــكــر والـقـومـيـه
ومـاراح سـكـان الجـبـل تـنـساني=وحــروف قـــافـــي واحـــة ريـفــــيــه
والا القـمر نـصـف الـشهر لاباني=مـن دون غـيــــم بـلـــيــــلـة صـيـفـيـه
فـيـهـا تـواريـخ الـعــرب عـــنــواني=عـبـر الـقـرون الخـمــســـة الـهـجـريه
واللي مـنـعــنــي دخـلـة الـمـيـداني=ماهـو قــــرار الـلـجــنـة الفـــنــــيــه
ومـااقــول بــه زود ولا نـقــصــاني=بـس الـقـصـايــد حـاجة شـخـصـيه
اشـرح بها اللي داج فـي وجداني=وانـظـــم نـتـــاج الحــالـة الـنـفـسـيه
افرق دخول الصوم عن شـعـباني=ونـجــومـــنـــا لــه دورة(ن)كــونــيــه
ودخـول نجــم الـوسـم والـمـيـزاني=وتحـديـد وقـــت اعـيـــادنــا الديـنـيه
لو ماقـعـدت ارجـي حسن كراني=مـعــه الـعـصـى بـالـنـشــرة الجــويـه
واللـي يـصـيـــر الـيــوم مايخـــفـاني=وافــرق طـريــق الـقــار والردمـيـه
والـمـــوتـر الــوارد مـن الـيـابـاني=افـضــل من الـلـي صنـعـتـه صـينـيه
واللي يـهــاجـمـنــي مـع الجـنـحـاني=ارحــم من الـلــي كـورتـه عرضـيه
هــذاك يـشـبـــه للـفــريــق الـغـاني=الـلــي نـهـايــة هـجـمـتــه ركـنـــيـه
والـمــوت خـطــة لاعـب الطلياني=الـلــي يـشــوت وشــوتـتــه نــاريــه
لو ماسـمـعــنا خــالـد الحـربـانـي=يــزعـــج عـلــيــنـا نـغــمــة صــوتـيــه
ولايخـتـلـف شـوال عـن نـيـسـاني=والـعـام مـثـــل ايـامـنـــا الحــــالـيـــه
لـلـي عـيــونــه تـضـبـط النـيـشــاني=وسـنــارتــه لـلـصـيــدة الـبــحـــريه
والـفـرق كـلـه خـطـة السلـطـاني=الـلـي مـكـان الـسـلـطـة الـتـــركـيه
يضرب جـنـود الـروس بالافـغاني=مـن شـان هــدم الجـبـهـة الروسيه
وعـقـبــه يـريـد الـفــاو من طهراني=والـقـرب حـول الـثـروة الـنـفـطـيـه
او مصـنــع الارهــاب بالـسـوداني=وتـحــريـر حــق الامــة الكــرديـه
واترك حـقــوق الـقـدس يالغسلاني=من شان ماتخـطــي على السـامـيـه
والا كـتـايـب عــون فـي لـبـنـانـي=وتـهـديــد أمـن الـدولـة الـعـــبـريـه
ونـادى يـبـــي حـريـــة الـنـسـوانـي=واعـطــى الـوسام لـقـادة الحـريــه
وعـقـبه دعى في ملـتـقـى الاديـاني=ولافـرق فـي ســنـــه ولاشـيـعـــيـه
ودعـم الهـنــود ونــوب بـاكـستــاني=وفـكـرة صـواريخ الردى الكـوبـيـه
وتشـعـل حـروب الناس بالجدراني=لاجـل السـلاح وسـوقـهــا الـشــريه
مـخــزن مـصــانــع خــبــثــها مليـاني=وخـايـف تطـيــح الـنـسبة الربحيه
ولايخـتـلف به بــوش عن ريجــاني=نـفــس الـغــيــار بـقـطـعـة اصــلـيه
وسـلاحـنـــا مـن خـــردة الاوكراني=نـصــفــه شــراء ونـصفـها عـاريـه
دبابـتــه مكـســورة الـشـكـمــانــي=وكـل الـغــيــار بـقـطـعــةٍ هـنــديــه
بـس الـمـسـجــل يـسـجــع الالحاني=وكل الاغــانــي فـيـه رومـنـسـيــه
مـاتـقــتــل الـجــربــوع والـجــرذاني=لــو نــام قــدامــه بــلا زولــيــه
زنـجــيــر قــاذف نــارهـا خـربــاني=ووســط الـبــنــوك اموالها الفـعليه
وهـجـمـات سـبـتـــمـــر كـلام ثــاني=وصـفـعـة خـشـوم ابراجـهـا العاجـيـه
قـامــت تـهــدد مـن يـصـيــر الجاني=ويمكن يـذوق القـنــــبــلـــه الـذريــه
والـلــي فـــعــلــهـــا لازم يـنـهـانــي=وذبح الامــريـكـي حـرمـتـه دولـيه
دامــه سـلايـل راعــي الـثــيــرانــي=الـلــي ابــــاد الامـــة الـهــنــديــه
فـوق العرب بالـمجـهــر الانساني=ومـن مـات بالـعــبـــارة الـمـصــريه
وبــرج الـتـجـاره طـايح العـــمـداني=يجدع عـروش الـقــادة الـصـوريه
ولاذت سـبـاع الامـس للـمــزبـانـي=من هول قـصـف الـغارة اللـيـلـيـه
الا زعـــيــــم بــــات لـــيـــلـه هـانـي=يسكـن شـمـال الـديـرة الكــوريه
هــادي ولايـنـشـد عـن اللي كاني=ويـقـدر يحـشــر اللي بــه الجـنـيـه
صـمــم سـلاح هــــابــه الــرومــاني=ويـاصل لـعــدوانــه مـع الـفـجـريه
ولاجـاه من يطـرق على البـيـبـاني=والا نـوافــــذ بـيــــتـــه الخـلـفــيـه
مـحــدن يحــارش نــايـم الــديـبــاني=وشـره على العـصفـور والسحـليه
يـبـــي الـمــعــزه لـو رقـــد جـيعاني=ولايرتضي هونه سوى السوقـيـه
وقبل انتهي من موجز الطفشاني=جـيت العـجـوز وعـمـتـي فـوزيه
قالــت تـراك اخـطـيـت ياذيـبــاني=وشـلـون تـظـلـــم قـــادة الـــنـازيــه
مـوت الـعـيـــال بـغـــارة الـنـصـراني=ولا عـيـشـتــه بـسـجـونـنـا السريه
خـلـه يـمـوت بـطـيــحــة الـبـنـياني=ولا الـعـمـر وسـط البركة الثلجيه
قلت اشهد انك صـبـتـي النيشاني=وهــذي خـتـــام ابـيـــاتـنــا الـنـونيه

[سلطان العطاوي]

يا سلام
صح لسانك واعتلا شانك
ابيات رائعه بروعة حضورك
لا خلا ولا عدم
سجل متابعتي
+
تحيتي

[صعبة المنال]

ما شاء الله يا ابن غسلااااااااان

باااسقة

صح لسااانك

صعووب

[همس الورد]

فواز الغسلان

صح لسانك اخي الكريم

و بيض الله وجهك

لاهنت

[ابومياس]

عملاق الشعر

الراوي

ملحمة نونية تسرح بمن يمر عليها

مع جمال الحرف وجزالة المعنى

صح لسانك وبيض الله وجهك

دمت بخير

[عبدالناصرالعالي]

الله الله يا فواز
صح لسااااانك
مبدع والله

[صعبة المنال]

التميز يفرض الحضورر

صح لسااااااانك
وعلا شااانك


صعوووووووووب

[نجم الإبداع]

الله الله

معلقه قمه يافواز

صح لسانك وفكرك

117 ياقوته ماشاء الله

لي عوده تليق بهذا المكان

انشاء الله

لاهنت

تقبل مروري

وتقديري

[الطائر المهاجر]

جزله من راس جزل
صح لسانك
ولاهنت
تحيتي واحترامي

[الطامي]

فواز الغسلان
صح السانك
وايفة من وافي
لاهنت