ان كان ياشعار فيكم واحد يعرف يهوش

[صنداح الزلامى]

ان كان ياشعارفيكم واحدٍ يعرف يهوش = يطلع وانا موجود والدنيا كفى الله شرها
في خاطري علم وخبر والله يعلم ويش انوش = والصادرات ورود والدنيا كفى الله شرها

[الطائر المهاجر]

يالله صباح الخير ياللي جيتنا تقل مخروش= الناس نومى ما شكت دنيا كفى الله شرها
شايل معك مشعاب ظني "كسب" من وقت اللطوش=ماعاد ينفع هالزمن والدنيا كفى الله شرها

[محمد بن عمار]

سلامات ياصنداح ، ههههههههه

إن كان غرك خاتمن في خنصرك كله نقوش = ترى الغلط مردود والدنيا كفى الله شرها
وإن كان تبغى الزار فإقرب عندنا طارن وحوش = مخاوين لأهل الأرض والدنيا كفى الله شرها

[داعي الشوق]

صح لسانكم جميعا

و لله درركم ،،

الفطاحلة تقابلوا

ننتظرها من زمان هههههه

تراي في صفك يابن عمار

عليك بالزلامي


ولاهنتوا يا كبار

[الطائر المهاجر]

عندك اياه يا ابن عمار

[عبير الورد]

ههههههه



صحت السنتكم شعرائنا

متابعين والله يكفينا شركم كلكم

[نجم الإبداع]

لن كان ودك بالملاقاء ليه ترمش بالرموش=اقرب وشوف النود والدنياء كفى الله شرها
وان كان قصدك تشتري القعدان من دون الهروش=دور لابو هنود والدنياء كفى الله شرها

[صنداح الزلامى]

ياربعنا الشعار جيت السوق والسوق مغشوش = فيه الولد والعود والدنيا كفى الله شرها
واشوف بن عمار يجمع بالبضايع والقروش = يبي يجيب الفود والدنيا كفى الله شرها

[صنداح الزلامى]

الله
الله الله

الليل يالفطاحلة والله ان كنت ولد ابوي

لوديكم حراج ابن قاسم الليل



صحت السنتكم يالفطاحلة وصحت ابدانكم

[نجم الإبداع]

انته نزلت السوق عصريه وقابلت الوحوش=واحترت يالمقرود والدنيا كفى الله شرها
الي تشوفه لابسن للبشت وعمامه بروش=خايف من المنقود والدنيا كفى الله شرها