عداك العيب

[ناصر عبيد الهواوي]

انا البارح مع الأفكار ساهر والعباد هجود=اقيم كل علمٍ قايله واهذب هجوسي
عداك العيب يا هجسٍ بجزلات القصيد اتجود=وانا ما زلت اعدك مع هل الإبداع بربوسي
تحسب إن الجزالة ياهجوسي سرعة المردود=مغازل في لميس وتفتخر في مدحك إلبوسي
تسرمدلك بيوتٍ بالغزل تمدح نعيم العود=وانا من شفت هاذي همتك داري به مسوسي
والى إحتجت ونخيتك قلت لي جودي من الموجود=ولك يومين يومٍ تستعز ويوم لك بؤسي
ولك حالين حالٍ فوق ما امّلت فيك تزود=وحالٍ ترتدي . بيرقك يم القاع منكوسي
ولك وجهين وجهٍ فيه يبدي لي فرح وسعود=والآخر يوم اشوفه قلت هذا وجه منحوسي
ولك حظين واحد شامخٍ من فوق قمة طود=وواحد ما يفيد الفود دايم هزل متعوسي
ولو إن الأماني تستوي لي ياهجوس العود=لطمّن روس في وادٍ سحيق وترتفع روسِ
لميز روس عشاق الشكالة والكرم والجود=هل الوقفات في وقت اللزم ريس ومريوسي
بتيجانن على الهامة واقلدهم بطوق ورود=واميزهم بزيٍ يختلف عن كل ملبوسي
الى جاك الهواء من يمهم شميت هيل وعود=هممهم عاليات ويطمحون لكل ناموسي
وابا اقدّم على الدفة تفصل من ثيابٍ سود=إلباس لكل من وجهه من المعروف ملحوسي

[عذب القوافي]

الجزل والحاضر / دائما ً

ناصر الهواوي

صح لسانك مليون ولايوفون

نص وافي من وافي

تقديري ,,,,,

[ناصر ملاقي المسطح]

قصيدة جزله وصح الله لسانك ونتمنى المزيد

[عبدالعزيز ابراهيم المنصور]

شاعر جميل يالهواوي
لافض فوك
أشكرك على هذا الإبداع
دمت بخير

[سعود العضياني]

صح السانك وبيض الله وجهك

نص جزل من رأس جزل

لله درك

ودمت ولاهنت

[الـزلـزال]

ناصر الهواوي
نص رائع ومميز
من شاعر متميز ورائع في كل مايقدمه
مبدع ناصرنا وبكل ماتقدمه ممتع
استمتعت بهذا النص المميز شاعرنا
صح لسانك ملايين ملايين
ولك فائق تحياتي وتقديري

[حمود السكراني]

ناصر الهواوي صح لساانك وعلا شأنك


جزلة من جزل سلمت وسلم غاليك

[شجون القصيد]

الله الله

صح لسانك شاعرنا

رااائعه بروعة حضورك

نص راااقي وهطول جميل

وتناغم رائع بين المفرده والمعنى

سلمت ولا فض فوووك

تحياتي

[عيدالماجد]

صح لسانك دمت ودام حرفك

[نفحات حساسة]

لميز روس عشاق الشكالة والكرم والجود

هل الوقفات في وقت اللزم ريس ومريوسي

بتيجانن على الهامة واقلدهم بطوق ورود

واميزهم بزيٍ يختلف عن كل ملبوسي

صح السانك.. شاعرنا

ولاهنت يالقرم..

نص رائع..

ويعطيك العافيه..

تحياتى لك وتقديرى.