الزمزمية مـا تقهـوي المشاويـش،، مع الطامي

الطامي · 15-09-2007, 10:46 PM

قصيده للشاعر المرحوم / الوالد ،،عبدالمحسن بن فطيس البحيح المري ,,
بعنوان (( الزمزميه ماتقهوي المشاويش ))

يالله يـا رازق قليـل المنـاويـش=ونفسه من الطلبـه طموح(ن)معيَـه
لا عاد لا دوجه ولابـه مطاريـش=واللي تبـي عينـي بعيد(ن)عليَـه
الزمزمية مـا تقهـوي المشاويـش=الله ولا رزق(ن)ورى الزمزمـيَـه
يا زين شبتهـا قبـال المداغيـش=وفز(ن)من المقهـاه والضـو حيَـه
برية(ن)لا ناشـت الضـو تنويـش=تفهق ولا هـي يـوم فهقـت بنيَـه
تبرد وتجعل في كبيـر المهابيـش=نجر(ن)يصـوت للقلـوب الشقيـه
في مجلس(ن)ما فيه صجه وتشويش=وسوالف(ن)لا جات لا هي طريـه
ودوجة(ن)عقب المطر باشقر الريش=مسرول(ن)جبـر الثنـادي دهيـه
لا جلعت منه تشـادي الدراويـش=تطيح من صفقه ولـو هـي قويـه
والله يالولا سجة العصر ما عيـش=معـي مناعير(ن)بخطـوات فـيـه
وجدي عليهم وجـد ذودٍ معاطيـش=علـى جبـا عـدٍ جلوهـه خليـه
او وجد من خلوه ركّابـة الجيـش=في ساعة تلهي الخوي عن خويـه

بواسطة منصور بن الوذين المري (الطامي المري)

رفيعة الشان · 22-10-2008, 10:45 AM

الزمزمية ما تقهـوي المشاويـش=الله ولا رزق(ن)ورى الزمزمـيَـه

الله الله على الشعر الأصيــــل

الطامي تحياتي لك

الطامي · 22-10-2008, 03:15 PM

هههههههههههههههههههههه
لها سنه ونصف لم يرد عليها احد
الا رفيعة الشان
الله اكبر يالدنيا
ههههههههههههههه
شكرا يارفيعة الشان اللى اخرجتيها من مخبئها
لاهنتي بنتي