خذني لها ارجوك يا طير الأشواق

[داعي الشوق]

( كيبورديه على قولتهم )

( ... ) يا نسمة هوا كل مشتاق = يا بهجة افراح الليال الحزينه
ياللي غرامك ساكن بقلب خفاق = ما غيرك احد من العرب مهتوينه
عليك تاج العز يا غايتي لاق = حيث الثمينه تستحق الثمينه
حالي ترا من حبكم صابه احراق = و الجوف مما فيه بيـّـح كنينه
ارسم معاناتي على ذيك الاوراق = و اسرار حبي بالضماير دفينه
في داخلي جرحٍ شكى البعد و فراق = مدري متى بـنساه و تقفي سنينه
اغراب يا قلبٍ من الجو ما راق = على رياح الشوق يا لله تعينه
خذني لها ارجوك يا طير الاشواق = ودي يميني لو تصافح يمينه

[الطائر المهاجر]

جزل ومبدع
صح لسانك ياقيس عتيبه
ولاهان راسك
تحيتي واحترامي

[منيع]

مبدع ياسعود وقلبك خضر
دمت محبا
تحياتي لكم

[عمر ال شيبي]

الله الله
يا بو خضار القلب

ودي يميني لو تصافح يمينه
ودي

وودي
صح لسانك لا هنت

[فايز بن جبيل]

ارسـم معانـاتـي عـلـى ذيــك الاوراق

و اســرار حـبــي بالضـمـايـر دفـيـنـه

في داخلي جرحٍ شكى البعد و فراق

مـدري متـى بنسـاه و تقفـي سنينـه

كيبوردية مزيونة اتت في مزيونة

هذا جمال الشعر يا سعود

اسعد الله ايامك وصح اللسانك مليون

تقديري

[عبدالمحسن الرحمه]

صح السانك وعلا شانك ابدعت بورك المداد

[داعي الشوق]

المشاركة الأصلية كتبت بواسطة الطائر المهاجر

جزل ومبدع
صح لسانك ياقيس عتيبه
ولاهان راسك
تحيتي واحترامي

صح بدنك يا دكتور

و مشكوور على مرورك الجزل

بس عاد قيس عتيبه قويه ههههه

ولاهنت

[عبدالله الشويمان]

صح السانك واعتلا شانك يا ابو سعد..

قصيده مبنى ومعنى.حملت الجزاله كما عهدناك..

دمت بخير ولا هنت

[حنان الكون]

ابداع وامتاع صح لسانك
جزله من شاعر جزل
تحيه طيبه

[الشويهد]

صح لسانك وقلبك يالقرم
ولاهان راسك
ابيات في قمة الروعه
تحياتي الطيبه