علام صاحبنا تغير علينا

[منيع]

علام صاحبنا تغير علينا=ماهومثل اول على مايقولون
اليوم لاهمه ولايحترينا=يركض ورى الخفرات واللي يكتبون

--------------

ههههههههه

[الطائر المهاجر]

تقصد فلاح اللي ماعاده يبينا = وإلا ابو زياد اللي نسميه قيطون
وضح كلامك داعمه باليقينا = ولا ترمي التهمه تراهم يزعلون

[منيع]

اعني جنابك يالذهين الفطينا=لاتصادر المعنى بظنٍ تظنون
انت الذي صارت يسارك يمينا=طبعك تغير كل يومٍ لكم لون

[الطائر المهاجر]

غلطان ياصاحب فلا تبتلينا = مشغول بأبحاث وفي العلم مشطون
شعر التراث وكل ماصار لينا= لعلي افهم شئ لو ما يريدون

[منيع]

البحر طامي وانت فيناسفينا=لاتلعب الامواج وربعك يطبعون
دام العذر هذا فحنا رضينا=محبكم وافي وانتم تمونون

[نجم الإبداع]

منيع

ابو عبدالله

محاوره راقيه وجميله

واصلوووووووووووووووا
ونحن سنتابع بشغف

لاهنتم

فائق الاحترام

[الطائر المهاجر]

ماقلت لك منشار ينوي حدينا = خذ الحذر لو شفت في هرجه لحون
لوهو ابتعد دربيل عينه علينا = يالله تخارجنا من اللي يقزون

[منيع]

هذا ابن منشار مافيه شينا=خوينا بالطيب والجود مقرون
لوكان عنا دالهٍ حبتينا=يبقى عزيز وغاليٍ لاتوزون

[عبدالرحمن الصباح]

صح السانك اخوي منيع وصح السانك يابوعبدالله

[شمس القحطاني]

يا لهذه الروعة

والله ابتسمت فرحة بهذا الإبداع امامي

صح لسان الشعرا

وربي لا يخلينا


ورد وود