القافية المتجانسة والمدفونة 👌🏻💔

[محمد بن عمار]

لاتعدّى ناظري ،، من ،، نور حسنه ،، اكتحل
وهام في سحر العيون اللي زهت بالاكتحال
معتلي ، للنون خط ٍ ،، مثل تقويس ،، الهلل
والسيوف صفوف وقد ٍ شوفته ،، للعقل هال
والشفق ،، من لونه الدامي ،، له العقل انفعل
كل ،، ما عانق ،،، بياض الثلج ،، زاد الانفعال
ما تعوّد ،، شيل حمل ٍ عقب ما ،، جسمه ثقل
والاّ هذا ،، واللي مثله ،، ما يشيلون ،، الثقال
مفترش في حوض ببره مااعتلى ظهر الجمل
وايتمايل ،، بالتثنّي ،، لانهض ،مثل ، الجِمال
ونابي ٍ ،، نبّا ، ظهوره ،، شوفته ،، للقلب ، تل
شقّق اللّبه ،، سوات الفقع ،، بسفوح ،، التلال
لو بغيت اضرب ، على اوصافه مع العالم مثل
ما لقيت ،، بجملة المليون ،، في حسنه ،، مثال
كل ما ،، ينثر جديله ،،، من على متنه ،، خِصل
قلت انا ،، هذي سجايا ، اللي كريمين الخِصال
واتجمّد ،،، لا ،،، تعدّاني ،،،، بوضع ٍ ،،، مفتعل
واتراجع ،،، خطوتين ٍ ، له ،،، بنفس ،،، الافتعال
ودار ، حذّافه ،، وبدّل ،، ما ظهر ،، لي ،، به خلل
في توازن ،، يقبل ، ويقفي ،،، ولا فيه ،، اختلال
وكل ماقلت ،،،ان قلبي ،،، عن هوى الغيد اعتزل
قال ،،، ما ظنّيت ،،، عندي ،،،، نيّة ٍ ،،، للإعتزال

الجريح / محمد بن عمار

[الطائر المهاجر]

صح لسانك
طيبه من طيب
لاهنت
تحياتي

[منيع]

وكل ماقلت ،،،ان قلبي ،،، عن هوى الغيد اعتزل
قال ،،، ما ظنّيت ،،، عندي ،،،، نيّة ٍ ،،، للإعتزال

ياسلام عليك مبدع ومتالق دائما
شكرا لك
تحياتي

[الطامي]

صح السانك بن عمار
رائعة ولاهنت

[داعي الشوق]

الله الله وصح السانك
رائعة بروعتك

ولاهنت