(( من وحي النجوم ))

[ناصر ملاقي المسطح]

الى صديقي الشاعر عبدالله خالد البكر اهدي قصيدتي ( من وحي النجوم ) والرد انتظره مع نجوم العقارب
ــ ــ ــ

يالجدي لاتنقد على اللي يراعيك = اول يريدك بالمتاهة دليله
صحيح وقتٍ فات كلٍ طمع فيك = تقدى مسيره بالدروب الطويله
لكن زمان اليوم جديَه تماتيك = بالاكتروني ماهو مثلك نخيله
باقمار رصدٍ صح مافيه تشكيك = مايقبل التخمين بأية وسيله
وابرسله للي لزومٍ يراعيك = شبلٍ صغيرٍ نافلٍ فوق جيله
واقول له يابن التميمي مساعيك = وطيبك وتقديرك قليلٍ مثيله
والله يابو خالد ترى القلب يغليك = عبدالله اسمك مثل برق المخيله
وخوالك اسلم هم عمى من يعاديك = وحمل المراجل ماتأنّى لشيله
شيءٍ موكّد ماهو لازم انبّيك = والصدق ثابت لو ارادو بديله
يالشبل عشت وعشت هذي مغازيك = ماينطحه ولد الردي والهبيله
اسيوفها تشهد وترسم معانيك = بلوحة شرف ماهي تملّق وحيله
كم من قريبٍ لي عجز لايجاريك = والحر مثلك لاقنص هو دليله
هذي حصاني ماهي كفوٍ تباريك = الحقد فيهم والحسد والرذيله
وانا اتشرف في طهارة مماشيك = والرابح الي مثل هذا سبيله
واهدي سلامي لوالدك ثم انا اهديك = اعظم تحيه بالورود الجميله
يعيش ابوك الي بطيبه مربّيك = (ابن بكر )راع الشرف والفضيله
بالحال ضحّى دوني والحق يرضيك = وشال العسر عنّي وكل المليله
وقال اتكل والله لاجعل معاديك = مايفرق الدنيا نهاره وليله

[الطائر المهاجر]

تميز في الإبداع
ومصافحة جزله من راس جزل
سلمت وصح لسانك
ولاهنت
تحيتي واحترامي

[عبدالله خالد البكر]

الصديق الشاعر الفاضل ناصر ملاقي المسطح
حللت اهلاً ووطئت سهلاً بين اخوانك هنا بالفطاحله
والقصيدة السابقه اثلجت صدري واضافت عليه السرور لتوجيهها لي
واتمنى قبول ردي المتواضع على هذا الرابط
http://www.fatahilah.com/showthread.php?t=32581

[مبروك بن ماضي]

الفاضل : ناصر ملاقي المسطح
صح لسانك وجاد بيانك
وتسلم يمينك على هالشامخه
قصيدة طيبة من طيب راعيها
سجل الاعجاب والتقدير
تحياتي واحترامي ،

[عذب القوافي]

نص وافي من وافي لله درك أخي ناصر وأسندت على شاعر جزل

صحت ألسنتكم

تقديري ,,,,,,,,,,,

[احمد الكثيري]

نص جميل بارك الله فيك وسلم فكرك الراقي
لك تقديري

[عبدالعزيز البليهد]

صح لسانك كلام وافي لرجل يستاهل

الله لايهينك

[ترانيم المطر]

صح لسانك مليون ولايكفون
قصيدة جزلة من شاعر جزل
سلمت ودام حرفك

[فارس القوافي]

ناصر

حياك الله

ارررحب


صح لسانك على هذا النص الراقي

لاهنت


يعطيك العافية


دمت بخير

[داعي الشوق]

صح لسانك يالشاعر ناصر

قصيدة وافية يالوافي

و النعم بالمادح و الممدوح

أبدعت و أمتعت

صح لسانك مدد

مع التحيةلك

،،،،،،،،،،،،،